« Tagenzi-inu d Yeha » (Mon Arc et Yeha) n Samy Assad, d ungal i d-ineccden ameɣri akken ad yessen Dzayer talqayant s tsektiwin-nnes tamezruyant, tadelsant d tmerrant yernu yella-d waya s teḥkayt n yiwen n yiminig akamruni. Ungal-a yeffeɣ-d melmi kan.
D taddart n teẓrigin n Hibr i d-yesnugden ungal-a n 193 n yisebtar yernu iḥekku-d udlis-a taḥlayt yessewhamen n Roger, d imniwel ilemẓi akamruni i d-yessemlal urtum d yiwen n umsudem isem-nnes Yeha, d yiwen i yessukkuyen iminigen s tuffra. Yeha yessumer-as-d i Roger ad d-yalel akken ad d-yesseḍru target-nnes yellan d inig ɣer Tuṛuft mer aneggaru-a ad as-yeg kra n tnuraf.
D wa i d ungal amezwaru n Samy Assad yernu wa d ungal yeṭṭafaren timseksalin n yilemẓi-a akamruni i yeddan seg temdint-nnes, deg Kamrun, ɣer Dzayer, yernu yekka ɣef mennaw n temdinin timezruyanin deg usikel-nnes, akka am Timgad (Tabatent) d Yiɣzer n Mẓab (Taɣerdayt).
Deg usikel-a aɣwali, Roger yemlal d mennaw n yimsudmen, gar-asen Yeha, ameglasaḍ, yellan d yiwen n uxelwi d arejdal i yeddren deg yigaluzen n Timgad.
Deg temseksal-nsen, Yeha d Roger nsan deg yideggen yemgerraden n Dzayer yernu snarmen tamurt-a tameqqrant i ilan idles d anesbaɣur yernu d amanuḍ.
Ungal-a yettwaru deg wudem wis kraḍ n wasuf, yernu yefren umeskar-nnes ad t-yaru akka akken ad ili ugar n tlelli akken ad yesbuɣer taḥkayt-nnes s uglam n yideggen d tegnatin ideg d-tettili teḥkayt d uglam n yimsudmawen-nnes -i iban niɣ i ihan- s ṣṣifat-nsen “tilqayanin” akk.
S tutlayt d tafessast i ugzay ulama amawal-nnes ila aswir d unnig, ungal-a yella-d am “uɣmis n usikel” n unemseksal akamruni Roger, yernu d win i d-ineccden ameɣri ad yessen tibuɣar n turt s tsemseksal i iga yilemẓi-nni deg mennaw n temnaḍin n Dzayer.
APS
 n Samy Assad, d ungal i d-ineccden ameɣri akken ad yessen Dzayer talqayant s tsektiwin-nnes tamezruyant, tadelsant d tmerrant yernu yella-d waya s teḥkayt n yiwen n yiminig akamruni. Ungal-a yeffeɣ-d melmi kan.){kind=link}