8 di dujamber, tanekra n Isuriyen s ibeckiḍen tewweḍ-d Damas, Bachar El Assad iffeɣ tamurt, inser si tzuliɣt, ur d-iban later-is.
Tameddit n wass, Bachar ikcem yakan tamurt n Russia, Al Joulani ikcem Damas, iẓẓul di tamesgida tameqqrant n Damas, d agellid amaynut !
Asaru yettwassen, neẓra-t deg uget n tmura : mi yerwel yiwen usnaref/dictateur, din kan ad d-ikcem wayeḍ deg umakan-is ; akken yal tikkelt mara tekk tama di tayeḍ, s ubarud d ibeckiḍen.
Aṛeggem n usnaref-nni nessen-it, d yiwen : « Akka aseggas kan, ad neffeɣ seg udabu, ad neǧǧ amkan, ad neg tifranin iwatan di tlelli, ad nessers tugdut di tmurt, ad ibedd udabu s yisem n uɣref n tmurt… ! ».
Ṭaṭa-baṭaṭa-nni neẓra ɣur wanida iteddu. Mi sersen iḍarren-nsen deg udabu, cudden tamurt s « el muxabarat »-nsen, syen ad tebdu tikli n ḥedd-tnin, ad ččaren inekrafen n tmurt… akked tesrafin n tmurt.
Tamuɣli n tamirt/actualité n tmurt n Surya, seg yiḍelli, ur tezmir ad tili temgared akked wayen iḍran di tmura n umaḍal ?
Tella tebrek, tella temlel di tuttra-nni.
Tamezwarut, d udem n wid d-ikkren, zwaren i tnekra i d-ibdan seg ugafa n Surya, si tama n temdint n Alep, d imeɣnasen n « Hayat Tahrir Al-Cham », syin d abrid ɣer Damas. Aẓar-nsen ikka-d seg umussu n El Qaâida, ur illi wayen ad d-yasen ilha si tama-nsen.
Timeṭṭurfit tineslemt, yiwen usalu kan i tessen : d aqeẓẓul s yisem n ddin, ur illi umdan, ur llin izzerfan n umdan.
Ass-a, timura n umaḍal (USA, Urupa, China,…) yiwen wawal-nsen : « ad neggani, ad nẓer anwa abrid n tsertit ar aɣen wid iṭṭfen Damas, syen ad nefren tiddi-nneɣ ɣur-sen ! ».
Tamuɣli-nni, isem-is « wait and see », maca tezmer ad tezgel (ad ifat lḥal).
Issefk si tura, timura timeqqranin ad nebbhen wid ibedden di Damas, ad asen-gen talast, akken ad aɣen abrid n izerfan, abrid n tugdut.
Tis snat, d asirem s uzekka, acku di tmurt n Surya, illa wayen nniḍen, mačči kan d tebrek n udabu n Assad, akked tebrek n imeɣnasen imeṭṭurfan inselmen, akken ibɣu yili yisem-nsen (DAECH, Nosra, Hayat tehrir Al-Cham, …).
Di temnaṭ n ugafa n tmurt n Surya, tella tmurt n Rojava. Imezdaɣ-is amur ameqqran d Ikurdiyen, maca llan wiyaḍ (Aâraben, Isiriten/Assyriens).
Si tnekra n 2011, Imezdaɣ-nni kkren ɣef yiman-nsen, sbedden adabu amaynut afidirali di 3 temnaḍin-nsen (1). Aris n udabu-nsen d tugdut, d tiɣri n yal amezdaɣ n temnaḍin-nsen, d tafrent i d aẓar n udabu, d tasertit taɣiwant (2).
Ɣas Rojava izga-d gar udabu n Turk si tama ufella, akked udabu n Assad si tama wadda, nutni ṭṭfen akken i zemren, ddaw lbumbat n tmesrufag n wa neɣ n win, tawaɣit yiwet.
Awal n usirem i Surya, i Lezzayer :
Di tallit deg tella ass-a tmurt n Surya, nessarem ad yili d win (tuddsa n Rojava) i d asalu ara taɣ tmurt n Surya, mačči d abeddel kan n usnaref, si Bachar ar Al Joulani… neɣ win d-iffren deffir-s !
Aḍu n tnekriwin, n tegrawliyin zun inetteḍ, iteddu si tmurt ɣer tayeḍ.
A win yufan, ad tbeddel tmurt n Lezzayer di talwit ɣer tugdut n tidet, azekka ur d-ttnekkaren kra n Izzayriyen akken ẓeggin, ad as-inin :
– Azul a Aâli Belhadj ! di Lǧamaâ El Ǧazayir
Aumer U Lamara
Timerna / Notes :
1. Le Rojava (« l’ouest » en kurde), ou Kurdistan occidental est une région rebelle autonome de fait dans le nord et le nord-est de la Syrie.
Depuis 2012, la majorité du Kurdistan syrien est contrôlée par des milices kurdes. En novembre 2013, des représentants kurdes, arabes, assyriens et d’autres minorités ont formé un gouvernement de facto dans la région autoproclamée sous le nom d’Administration transitoire intérimaire. Deux millions de Kurdes vivent sur ce territoire.
Les partisans de la région soutiennent une politique laïque, fondée sur des principes démocratiques, une forme de socialisme démocratique, l’égalité des sexes et l’écologie, qui transparaissent dans sa constitution.
Le 17 mars 2016, les Kurdes de Syrie proclament une entité « fédérale démocratique » dans les zones contrôlées et qui comprennent notamment les trois « cantons » kurdes d’Afrine, de Kobané et de la Djézireh, dans ce qui était jusqu’à présent une zone d’« administration autonome ». Cette entité est également dénommée Fédération démocratique du Rojava-Syrie du Nord. Dans sa constitution de décembre 2016, son nom officiel est celui de Système fédéral démocratique de Syrie du Nord (kurde : Sîstema Federaliya Demokratîka Bakûrê Sûriyê… Cette déclaration a été faite à Rmeilane par le Parti de l’union démocratique (PYD) en présence d’autres partis kurdes, arabes et assyriens.
2. Murray Bookchin (tasertit taɣiwant / communalisme)
Murray Bookchin, né le 14 janvie 1921et mort le 30 juilet 2006, est un philosophe, militant et essayiste écologiste libertaire américain. Il est considéré aux États-Unis comme l’un des penseurs les plus marquants de la Nouvelle gauche américaine (New Left).
Il est le fondateur de l’écologie sociale, école de pensée qui propose une nouvelle vision politique et philosophique du rapport entre l’être humain et son environnement, ainsi qu’une nouvelle organisation sociale par la mise en œuvre du municipalisme libertaire ou communalisme.
L’influence considérable de ses idées sur le dirigeant kurde Abdullah Öcalan a conduit à l’élaboration du confédéralisme démocratique, modèle adopté par des régimes égalitaristes comme le Parti des travailleurs du Kurdistan (PKK) à partir de 2005, puis par le Parti de l’union démocratique (PYD) en Syrie, où il connait un début de mise en œuvre dans les cantons du Rojava lors de la Guerre civile syrienne.
Source : https://fr.wikipedia.org/wiki/Murray_Bookchin