Aneɣlaf n Tnezduɣt, n Useɣrem akked Tiɣremt, Mass Mohamed Tarek Belaribi iga, ass n ukras (larebɛa), yiwet n tirzi n uswaḍ ɣer usfaylu amdinan n Sidi Boudrahem yellan deg ugezdu n Bgayet, anda i iwala asenfar n 2798 n tnezduɣin Kerru-asenzi « AADL » akked 2004 n tnezduɣin tinmettiyin, i d-yenna yiwen n ulɣu n uɣlif.
Yebda uneɣlaf tirzi-s n uswaḍ n uɣrab n udhal n 5 n yikilumitren, i la d-sseḍruyent teṛmisin tidzayriyin, yumer-itent akken ad kfunt imahilen-nsen deg teggara n wayyur ideg nella, i d-yesseddi uɣbalu-nni.
Seg yeweḍ iberdan yellan deg usfaylu amdinan ilmend yigefran yezrin, Mass Belaribi yumer akken ad ten-ferḍen akken ad izdigen, yerna yenna-d dakken yumar s tɣara n yimahilen gan.
Deg wayen yerza tuqqna ɣer yiẓeḍwa yemgarden, yedla uneɣlaf ɣef yimahilen n tuqqna ɣer ɣer uẓeḍwu n trisiti i yewḍen ɣer uktamur n 95% deg usfaylu amdinan, ma d wid n yimahilen n tuqqna ɣer uẓeḍwu n wurrig akked win n waman n tissis wwḍen ar 85%.
APS