Di yal tamurt, anida llan Izzayriyen, ilha ma dduklen di tdukliwin akken bɣunt ilint, ma s tlelli-nsent, s timanit-nsent, ur qqinent ɣer udabu n tmurt-nsent. Akken i skaren imezdaɣ n tmura n umaḍal, di yal tamurt deg llan d iminigen.
Maca, mačči d abrid-nni i yuɣ udabu n tmurt-nneɣ. Di yal tallit, issefk ad d-isnulfu « tiqeddacin-is » , ‘’association croupion’’, akken ad tent-issexdem i tsertit-is, i taâssast n Izzayriyen.
Amezruy n tiddukla l’« Amicale des algériens en Europe » mazal ur ittwaru.
Tikkelt-a, adabu n Lezzayer ibeddel tamuɣli, issahrew : iṭṭef-d tilisa seg umaḍal ameqqran s « Conseil mondial de la diaspora algérienne ». Akka kra n iseggasen ɣer sdat, ad d-innulfu « Conseil de la diaspora interplanétaire » neɣ d « Conseil de la diaspora interstellaire ». Anwa i yeẓran ?
Isali/lexbar i d-ifka uɣmis Tsa Algérie ussan-a (2), isssewham : azal n 400 n Izzayriyen gan anejmaâ deg yiwen usensu ameqqran n Paris akken ad d-slalen agraw amaḍlan n yiminigen Izzayriyen (Conseil mondial de la diaspora algérienne (CMDA)). Amur ameqqran deg-sen d « femmes et hommes, venus de partout, et qui sont cadres, dirigeants d’entreprise, élus locaux en France... »
Zun ulac ayen iffren deg-s : aqeddac-is amezwaru d Karim Zeribi (ẓer timerna/notes (3)), izzwer-d awal : « … je n’ai aucune ambition politique », ɣas ur t-isteqsa yiwen.
Ur izmir ad iffer iṭij s uɣerbal, d tin, d tazitalt/ambition-nni i t-id-iwwin ! Akken ad irkeb agmer n « conseil mondial… », akken ad yeg ‘’recyclage politique’’, ad ifru lecɣal-is ur nefri.
Deg unejmaâ d-illan deg usensu ameqqran di tnemmast n Paris (azal n 5000€ ar 10 000€ i lekra n tzeqqa-nni, i wass), llan izzayriyen, llan Izzayriyen-ifransiyen, illa sénateur Ahmed Laouedj (PRG), tamazant/députée Sabrina Sebaihi (Ecologistes-NUPES), Samy Naceri, akked ccix n lǧamaâ n Paris, Chems-Eddine Hafiz…
Acu i d-yufraren seg unejmaâ-nni i yebnan di tazwara s yiswi : « ammud/lfayda n Lezzayer akked Izzayriyen » (« aider le pays de leurs origines ») ?
– Izwar-d wawal n ujewwaq : « l’Algérie qui peut devenir l’une des « cinq grandes puissances de la planète » (sic!).
– Irna-d ugerdef ɣef Palestine (« il demande à la salle de se lever pour observer une minute de silence à la mémoire des Palestiniens tués par l’armée israélienne à Gaza depuis le 7 octobre dernier »). (ulac Israïliyen i yemmuten din deg wass n 7 tuber ?)
– Syin d tamagit tinneslemt i yezwaren tazzayrit : «Le contexte difficile pour les musulmans d’une façon générale en Occident et particulièrement en France, où l’islamophobie a pris des proportions inquiétantes. ».
– Acu-t umkan n ccix n lǧamaâ n Paris deg unejmaâ-nni ?
– Taneggarut, fran ad rren assaɣ/rabul i Lezzayer di yebrir d-iteddun (« il reste les autres étapes pour la mise en place du CMDA qui tiendra sa deuxième réunion les 27 et 28 avril prochain à Alger.)
Tasleṭ/asenqed/analyse :
Talalit n CMDA tettban am uzal, d taḥilet tamaynut n udabu n Lezzayer akken ad yeg afrag i yal tidukliwin tilelliyin i d-ittlalen di teɣribt. Sin imedyaten kan :
- Collectif de la diaspora algérienne, i yesduklen tidukliwin tizzayriyin di Fransa.
https://lematindalgerie.com/marche-du-hirak-interdite-a-paris-le-collectif-de-la-diaspora/
- Union française des binationaux et de la diaspora algérienne, i d-ilulen deg wass n 14/06/2023
Adabu n Lezzayer mazal ur d-iffiɣ seg ‘’ukabar iken’’ (parti unique) i yebna FLN si 1954, win i yeddan si 1962. I netta, issefk Izzayriyen ad ilin ddaw uzaglu n udabu, deg wakal n Lezzayer, neɣ berra n wakal n tmurt. Tadyant n Amicale des algériens en Europe, teṭṭef nnig 40 iseggasen, d iɣil n FLN, d azdel n temsulta tasertant, d targa n takerḍa n tedrimt n Lezzayer.
Urar n usexreb ittwassen
Ass-a, di 2024, illa « collectif de la diaspora di Fransa », adabu ad d-isnulfu « Conseil mondial de la diaspora »,
Iḍelli, di 1985, Izzayriyen ilelliyen slalen-d « Taseqqamut tazzayrit n izerfan n umdan » (la Ligue algérienne de défense des droits de l’Homme), adabu yesnulfa-d snat tseqquma (2 ligues algériennes des droits de l’Homme), irna yessekcem ɣer lḥebs wid d-islalen tamezwarut-nni (4).
Fellag yerra tiyita akken yufa : « Nous allons exporter des ligues et… importer les droits de l’Homme ».
Aṭan n taâssast n tmetti tazzayrit (l’obsession du contrôle de la société) :
Adabu n Lezzayer inṭed-it yidles n MALG n Abdelhafid Boussouf : issefk ad iẓer anida yella yal azzayri, acu n tikta n yal azzayri, acu yenna yal uzzayri, acu iga yal uzzayri.
Amezruy n udabu n Lezzayer isselmed-aɣ ayen illan, ur ittbeddil ; deg yiwen ubrid i teddunt temsal. Yal tikkelt ara d-tlal tuddsa di berra n tmurt, ad tili d targa i tuffɣa n tedrimt n Lezzayer gar ifassen n ibandiyen :
D tawaɣit n Amicale des Algériens en Europe
D tawaɣit n lbanka « Union méditerranéenne de banque » (5),di dewla n Boumediène
D nnger (scandale) n paierie de l’ambassade d’Algérie à Paris di dewla n Chadli
D ayen ad d-iḍrun azekka akked « Conseil mondial de la diaspora… », win iteddun ad yeg Fonds d’investissement… s tedrimt n pétrole n Lezzayer,
Akked tlufa i yeffren, ur neẓri ar ass-a…
Mačči d ibandiyen illan di tmurt neɣ berra n tmurt ara yefrun tilufa n tmurt n Lezzayer…
Aumer U Lamara
Timerna/Notes :
- D acu-t uyennat-a = c’est quoi ce ‘’machin’’ ? (ittwassen wawal-a, asmi t-inna jiniral De Gaulle, mi t-seqsan ɣef ugraw n UNO (= ONU s teglizit)
- Article du journal TSA : https://www.tsa-algerie.com/zeribi-lance-le-conseil-mondial-de-la-diaspora-algerienne-cest-du-jamais-vu/
- Karim Zéribi, né le 25/09/1966 en Avignon, est un militant syndical et associatif, un homme politique et un chroniqueur français. Il a été élu conseiller municipal à Avignon puis à Marseille, conseiller à la Métropole d’Aix-Marseille-Provence et, de 2012 à 2014, député européen de la circonscription Sud-Est. Il a été président du conseil d’administration de la régie des transports de la métropole (RTM) et a exercé plusieurs missions à la Société nationale des chemins de fer français (SNCF).
Condamné en première instance le 9/09/2020 par le tribunal correctionnel de Marseille, sa peine est aggravée en appel le 17/11/2021 par la cour d’appel d’Aix-en-Provence. Il est condamné à trois ans de prison avec sursis et à une amende de 80 000 euros pour abus de confiance et abus de biens sociaux, une privation des droits civils et civiques dont une inéligibilité pour une durée de cinq ans ainsi qu’une interdiction de gérer pour la même durée.
Source : https://fr.wikipedia.org/wiki/Karim_Z%C3%A9ribi
- Ligue algérienne de défense des droits de l’Homme : 23 yemdanen i yettwaḥebsen di 1985 (Cour de Sûreté de l’Etat, procès de Médéa du 15 au 19/12/1985), di leḥbas n Taẓult-Lambèse, Berroughia, Blida : gar-asen Abdenour Ali Yahia, Amokrane Aït Larbi, Hachimi Naït Djoudi, Saïd Sadi, Ferhat Mehenni, Ali-Faouzi Rebaïne, Saïd Doumane, Fettouma Ouzegane… akked warraw n Cuhada : Arezki Abbout, Arezki Aït Larbi, Aït Hamouda Noureddine, atg.
- Union méditerranéenne de banque : était une banque franco-algérienne. Une de ses activités était la fructification de l’épargne de l’immigration maghrébine en Europe. Créée au milieu des années 1970, elle ferme ses portes en 1986. Son liquidateur est la Banque nationale de Paris. Elle aurait servi plus de canal de fuite et de prédation des capitaux de l’Algérie.
Le Conseil Mondial de la Diaspora Algérienne : Un pont entre les cultures
Le 8 mars 2024, une date désormais gravée dans l'histoire de la diaspora algérienne, a marqué le lancement officiel par Karim Zeribi du Conseil Mondial de la Diaspora Algérienne (CMDA), lors d'une soirée… pic.twitter.com/Mx1zMlKWff
— Marc MAUCO (@MarcMauco) March 13, 2024