Di yal tamsalt, illa wayen izwaren, illa wayen iggran, iteddu kan mi yefra wayen izwaren !
Udem aberkan i d-tefka tinneslemt di yal laâid tameqqrant di tmurt n Lezzayer ikkes-as azal i wayen akk ttberriḥen s yisem n ddin. Mačči d ddin, d tijjehli.
Ur illi d abrid n ddin, anda azal n 10 % n Izzayriyen izellun akraren, sqaḍen nnig 90 % n Izzayriyen ur nezmir ad d-adɣen izimer n nnig 5 imelyunen (50 000 DA).
Ur illi d abrid n ddin anda i ttcuddun akraren i yiṭij d ddiq deg ifergan d igarajen, ussan d wussan di yir tariḥt n waɣber, akked ṣṣut iḍ d wass.
Ur illi d abrid n ddin anda i sekcamen akraren ɣer tzeɣwin akked lbatimat, zellun-ten gar yexxamen, ɣef tseddarin, ttaǧǧan din idammen sebbken, ikerciwen akked iḥeddufen fesren i yiṭij d yizan, ussan d wussan.
Ur illi d abrid n ddin anda i sfuḥun yal amkan armi ula d iberdan imeqqranen/autoroutes ttbibbin yir tariḥt n ikerciwen di tafukt n unebdu (1).
Adabu n Lezzayer ifka afus di yir liḥala n wass-a, ur irni ccan i tinneslemt.
Llan tmura tinselmin deg umaḍal, yal yiwet tufa-d abrid amek i teskar di laâyudat. Mačči d nnger am Lezzayer.
Tamsalt n tmezla di laâyudat ur telli d tamsalt n ddin, d tin n tuddsa/l’organisation d tezdeg, d tin n ‘’Ordre pubhlic’’.
Issefk ad ibeddel tikli udabu, llan iberdan, am akken iga FLN n 1954-1962, am akken gan Irifiyen di Tegrawla n 1920-1926 s ufus n Adelkrim El Klhettabi : kksen timezla.
Ad tekkes tmezla azal n 5 ar 10 n iseggasen (un moratoire de 5 à 10 ans), akken ad frurxen wakraren, ad imɣurent tejlibin, ad d-yirxis weksum di tmurt, mačči s tuffɣa n tedrimt n tmurt am akken teskar tgelda Saâudeyya (2).
Ad bnun di tɣermin imukan i tmezla, anda ara yilin waman akked ṭebba n iɣersiwen/vétérinaires, ad bedden i tezmert n Izzayriyen. Ad yili d ccerṭ di bennu n yal tiɣremt/cité ɣer zdat.
Taneggarut, ad tekkes tmuɣli n idammen zdat imeẓyanen n tmurt, ad ikkes ulejlej di tirga-nsen, anda iḍelli kan zellun yimeṭṭurfan inselmen (islamistes), zellun imdanen deg yixxamen-nsen, zdat warraw-nsen. Ad ikkes Benṭelḥa zdat wallen-nsen.
Serset ijenwiyen (3) ! Naâya di tazzla n idammen ! Nbi Ibrahim s timmad-is, ma yuɣal-d ɣer tmurt, ad issers ajenwi-s !
Wa, d ahil n udabu Azzayri d-iteddun, mačči n win n wass-a i yettaran imdanen ɣer leḥbas acku « sekcamen iman-nsen di temsal n tsertit n tmurt-nsen ! » (délit d’ingérence dans les affaires intérieures de leur propre pays !).
Aumer U Lamara
Timerna / Notes.
1) Tira tanagit n yiwen Uzzayri (Facebook, 09/07/2022) :
« Une fête de l’Aïd que nous souhaitons heureuse pour toutes et pour tous. Hélas à la place du pardon envers son prochain, de la solidarité, de l’entraide, de la compassion envers les nécessiteux, envers ceux qui souffrent et ceux qui sont séparés des leurs en ce jour de fête, nous constatons que les gens se préoccupent plus d’alimenter leur tube digestif avec des comportements et des pratiques d’incivisme généralisés.
Aujourd’hui tout Alger, la capitale du pays, pue les contenus des panses de moutons et le bouzellouf, les trottoirs sont transformés en dépotoirs de peaux de moutons et en endroits de nettoyage des abats et des têtes et pieds de moutons.
Même l’autoroute est rendue nauséabonde par les abats débordant des bennes tasseuses des camions de nettoyage. Est-ce cela, pratiquer sa religion ?
La barbarie a encore de beaux jours devant elle. »
Mohand Amokrane H.
2 ) Plusieurs milliers de moutons destinés à l’Arabie Saoudite, sont morts noyés dans le port de Suakin, au Soudan, dimanche 12 juin. Environ 15.800 animaux étaient à bord du bateau mal chargé ; 700 moutons ont pu être sauvés. La valeur totale du bétail transporté s’élève à environ 4 millions de dollars.
Source : https://www.tf1info.fr/international/soudan-plus-de-15-000-moutons-meurent-noyes-apres-le-naufrage-d-un-navire-2222905.html
3) Tafrut (tiferyin) = ajenwi (ijenwiyen), d tafrut n Genova (Gênes, Italie).
