7 décembre 2022
spot_img
AccueilPolitique"Taɣennant, akessar  !" (Mépris, violence et… droit dans le précipice)

« Taɣennant, akessar  ! » (Mépris, violence et… droit dans le précipice)

S TMAZIƔT

« Taɣennant, akessar  ! » (Mépris, violence et… droit dans le précipice)

Di tikli n lǧemaâ 117, d adabu i yuɣalen ɣer wussan iberkanen n ‘’la Bataille d’Alger’’. Mačči d Izzayriyen.

Izzayriyen ffɣen-d ad lḥun s talwit, am akken teddun akk iɣerfan n umaḍal i yaɣ-yifen, akken ad tbedel tsertit n tmurt, ad ibeddel udabu ɣef uẓar. Ur d-ffiɣen akken ad gen ṭṭrad akked imsulta, neɣ iserdasen n tmurt. 

Maca, imsulta n tmurt n Lezzayer fran abrid-nsen, uɣen win n tɣennant, seddan tasuddest tasertant/stratégie militaire di tmanaɣt : wten s idebbuzen-nsen amɣar, tamɣart, tameṭṭut, yal ilemẓi d-ufan zdat-nsen. Ur insir yiwen, ur iffir wayen gan imsulta, iffeɣ ɣer umaḍal.

Awal n inigi (d argaz amɣar) : 

« Dehmen-d fell-aɣ yimsulta, rran iyi nek ɣer tama, d adegger kan, ur yi-d-wwiten s tdebbuzt-nsen, syin ɣlin s tyita ɣef yilmeẓyen-nni yellan zdat-i ; si yiwet tama ččan-iyi wurfan di lbaṭel-nni ẓerreɣ, si tama nniḍen ferḥeɣ mi ẓriɣ ilmeẓyen-nni ttewten, maca ur rrin tiyita, ifasssen-nsen deg igenni, ttẓeggin kan : ‘’silmiyya, silmiyya’’ ! ».

Taɣuri si tekriṭ/violence n lǧemaâ 117 :

- Advertisement -

Adabu ur iddi ad d-yefk udem i yimelyunen n Izzayriyen iteddun si nnig sin iseggasen, akken ad ibeddel udabu n tmurt, ad d-yuɣal rray i wegdud Azzayri, ad d-ittwakkes si tkemmict n kra yemdanen ur ifrin yiwen, ur issin yiwen.

Lemmer di tmurt n Urupa, yili atan yers-d udabu ɣer tifrat, ibeddel udabu amaynut, ufan-as tabburt, tamurt teddekwal, teteddu ɣer zdat. 

Adabu n Lezzayer igdel awal akked umussu ameqqran, lḥirak, i d-ikkren i lfayda n tmurt.

Adabu isedda tikerkas, mačci d yiwet, akken ad yerẓ tanekra/lḥirak, ass-a yessaweḍ ɣer tɣennant, akken issarem ad tt-ifru netta.

Maca, ass-a adabu ur iferru yiwet. Wid iṭṭfen adabu, d at ukakskiḍ, d at srabes neɣ d iqeddacen n tmura tiberraniyin, ur zmiren ad bḍun agdud Azzayri, daɣ ur zmiren ad ssusmen Izzayriyen amzun kra ur illi.

Si sin iseggasen izrin, tamurt tbeddel, Izzayriyen beddlen. D ulaqrar ad ibeddel udabu akken ad d-tlal Lezzayer tamaynut.

Ayen ad d-yernun ɣer zdat d takriṭ akked usizzel n idammen, ad yili i yiri n udabu. D netta i  ijebbden ɣer yir ubrid, win ur issarem yiwen.

Tuzzma fell-as azekka.  

A.U.L.

Timerna / Notes :

1) ‘’Taɣennat, akessar’’ (mépris, violence et… droit dans le précipice !) : illa wanzi, akka s tmaziɣt, di tmurt n Jijel, Mila, atg.

Auteur
Aumer U Lamara, écrivain

 




ARTICLES SIMILAIRES

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Les plus lus

Burkina Faso : une tentative de putsch déjouée !

Au Burkina Faso, le président de la transition, le capitaine Ibrahim Traoré a annoncé qu’une tentative de coup d’État a visé son pouvoir la...

Les plus populaires

Commentaires récents