Tella yiwet n taddart levni ines mačči am tudrin-nniḍen, andda ixxamen vnan lḥiḍ yeṭaε ar wayeḍ. Taddart agi timzuɣin-ines zṛurεent, yerna tevḍa af snat n tamiwin : tamma ufella, tamma bbwadda.
Yibbwas vɣan ad vnnun Lǧamaε, nnejmaεen i wakken ad msafhamen andda ara tevnnun. Yal tamma teqqaṛ-as at nnevnu ɣuṛ-nneɣ. Meḥsuv imezdaɣ akk tbbaṛεend s wakel-nsen, yal yiwen yevɣa a d-yawi lḥasanat. Gar sin iεemmuṛen n taddart ulac amkkan yesefkken i levni n Ljamaε.
Qqimen akken deg-wawal ar wayeḍ, laεyayaḍ… Alarmi ata i εeddad yiwen uddarwic n taddart, yesla-d i wahṛuḥ-nni i ţ-yekren, yenna-ya-nsen :
– Ay at taddart, ad ḍebbṛeɣ fell-awen?
Dɣa, nnan-as :
– Susmet susmet, d addarwic-nneɣ ara ɣ ţ-id-ifrun, d Ṛebbi iɣ t-id-iccegεen! Andda i d-yenna din! Innaɣ-d annida?
– Ihi, ma d-iyi taɣem awal : vnnuteţ kan s daxel n tbbaṛwiṭ! Akka, mi tehwaǧ tamma ufella at sallin, mi tehwaǧ tamma bbwadda a t-id-ṣubben!
Tagi tesmekta-yi-d Nnvi Muḥemed asmi yevɣa ad yevnu Ljjamaε di Lmaddina. Imezdaɣ akk qqaṛen-as vnnut deg-wayla-nneɣ. Iεeweq amek ara yexdem, dɣa yenna-ya-nsen :
– A serḥeɣ i telɣwemt agi inu; andda i tevrek dinna ara nnevnu Ljjamaε!
S wakka i ţ-yefra.
Ahmed Aït Bachir