Agraw n APN ifra-tt di tafrent n wass n 24 dujamber 2025 (1) : tamharsa n Fransa d tinnɣit/crime, issefk tamurt n Fransa ad d-tefdu ayen akk i tga di tmurt n Lezzayer, issefk ad tessuter asuref/smaḥ i tmurt n Lezzayer !
D ayen ilhan nezzeh, ma ur llint tḥila.
D ayen illan d abrid, akken ad d-ters talwit gar Lezzayer d Fransa, akken azekka ad ddunt temsal n tadiplomasit gar-asent deg ubrid n tulut/égalité. Ad tekkes tɣennant, ad d-ilal wassaɣ ibnan ɣef tidet, ɣef leqder akkin akka.
Maca, agraw n APN ur issefk ad iqqim di tnemmast n ubrid. Issefk ad tt-ifru ar aẓar.
Amek ?
Ma APN yessuter di Fransa akken ad tessuter nettat smaḥ di tmurt n Lezzayer, issefk diɣ timura nniḍen i yeshersen tamurt n Lezzayer ad sutrent smaḥ-nni.
Ayen illan deg umezruy ittwassen :
Issefk APN ad teg tafrent akken tamurt n Turk, tin i yeshersen tamurt n Lezzayer si 1515 armi d 1830, ad tessuter smaḥ si tmurt n Lezzayer, acku tessehres tamurt, tenɣa, texla tiɣermin, terra Izzayriyen d aklan-is.
Issefk tamurt n Saâudya akked tmura n Surya akked Iraq i yeshersen tamurt n Lezzayer si 642 ar 710, anida snegren amur ameqqran n uɣref n Tefrikt n Ugafa, anida nɣan Dihya akked Aksil, anida wwin azal n 50 000 n tlawin timaziɣin, d taklatin i zzenzen di leswaq n Beɣdad akked Damas.
Issefk tamurt n Roma n wass-a, tin i yeshersen Tafrikt n Ugafa azal n 4 leqrun, ad tessuter smaḥ i tmurt n Lezzayer s wayen akk i tesserwet, s tmenɣiwt n ugellid Yugerten di tesraft n Tullianum di Roma di tegrest n -104, s wayen akk i thudd n tɣermiwin di Tamazɣa.
Mi tefra APN ahil-is, ass-nni ad yizmir ad yali wannay amaziɣ, ad irrefref nnig tzeqqa n Lmuradya.
Ass-nni Diduc Murad ad as-yaki rsen yeɣsan-is, terra-d iseɣ-is tmurt-is, ad yini : « ayen issarem issaweḍ ».
Ma teqqim APN di tnemmast n ubrid, di tɣennant-is kan mgal Fransa, zun d « imjahden n dujamber 2025 » (am wid-nni n 19 di meɣres 1962), akken kan ad rnun ad kerzen ɣef Izzayriyen, iban si tura, urar-is ur issawaḍ, acku ass-a Izzayriyen ldint wallen-nsen.
Ih, « Siweḍ akeddab ar tabburt » !
Aumer U Lamara
*) Le vote de l’APN de la loi criminalisant la colonisation française : allez jusqu’au bout !
Timerna / Notes :
1. Les députés algériens ont adopté, mercredi 24 décembre, une loi pour « criminaliser la colonisation française », dans un contexte de tensions diplomatiques entre Alger et Paris : loi exigeant de la France des « réparations intégrales » et des « excuses formelles » pour « les crimes » de son passé colonial en Algérie. Visant à « criminaliser la colonisation française en Algérie ».
Le Monde 24/12/2025.
 : tamharsa n Fransa d tinnɣit/crime, issefk tamurt n Fransa ad d-tefdu ayen akk i tga di tmurt n Lezzayer, issefk ad tessuter asuref/smaḥ i tmurt n Lezzayer !){kind=link}
Anect, gar 10, 15, 20% (nnig ? ddaw ) n wid itekkan di tefranin tineggura i yefkan lukala i yideputiyen n APN ? Ulac wizran.
Anwi izran dacu yersan deg ahilen n ikavaren n APN ? Yal ass ittveddil program nsen. Yal ass tnulfunted tiktiwin ur nes3i ixef negh asallaf.
Dessah, lxilafa tineslemt i 3uthmaniyen thjur maca wlac asqaren yakdh fransa. U nesyara sarghan thudrine, arzane yehway almi ughayen yemdanen ur zmirnara ad sabwane iquth n’sennen, mara cucfane aderrane ictidane yumsene imi arghane ictidene sara vedlene, ur nesyara si turkiyene nghane meden aken ad zedghene ixamen ensen,u nesyara xenqen imdanen di li grotte, u nesyara 3attven arach yes3an 5 snine s’la gegene, nagh cudentene s’idezwi yes3ane isennanen … utezmirdara att sqerned guer uwetuf d’lelefen
Amezruy (tarikh) i-sgharayen deg aghervaz urd inn’ara ayen all xedmen Iturkiyen deg-negh. Urd inn’ara acehal d tudrin serghen di tilisa n Beylek. Lgirra gar-anegh akk d Iturkiyen teqqim 3 leqrun.
Tsufɣed-asen tafacturt a Dda Aumer !
Aqli nniɣ-ak a d-nejma3 ayen din isurdiyen !
– Fransa d 132 isseggasen n lmerta
– Turk, yeshersen tamurt n Lezzayer si 1515 armi d 1830
– Saâudya akked tmura n Surya akked Iraq i yeshersen tamurt n Lezzayer si 642 ar 710
– Roma yuxcen Yugerten di tesraft n Tullianum di Roma di tegrest n -104…
Tettud kan ibeqqiwen-agi ineggura iccen tamurt armi d iɣes. Wigi ɣerlben akk wigi i d-tudred.