9 décembre 2022
spot_img
AccueilIdéeTasraft tɣez i "Lezzayer n lkazirna"  !

Tasraft tɣez i « Lezzayer n lkazirna »  !

S TMAZIƔT

Tasraft tɣez i « Lezzayer n lkazirna »  !

Yiwen ur izmir ad issenger amussu i d-ilulen si qbel furar 2019

Tikli n udabu akken ad iččar leḥbas s tarwa n tmurt, tezgel di tazwara-s. Yiwen ur izmir ad issenger amussu i d-ilulen si qbel furar 2019, seg iẓuran akked wazwu n tmurt.

Tamezwarut n tmezwura, adabu n wass-a ur d-ilmid si tmura nniḍen i yuɣen abrid n takriṭ/violence akked udebbuz (dictature). D yir anelmad. Timura-nni zwarent sersent yal tikkelt taknaẓri-nsent (leur idéologie) akken ad nehren yis agdud, ɣer wanda sarmen ad awḍen. Taknaẓri n national socialisme n Hitler (nazisme) tugar-itent akken llant deg umezruy.

Di Lezzayer, mačči s tḥilett n ‘’Lezzayer tamaynut’’ ur nelli, ara uraren ɣef 45 imelyunen n Izzayriyen.  

- Advertisement -

Tis snat, aseqdec n teɣdemt akked timsulta i yellan gar ifassen-nsen ur izmir  ad d-yeg afud i tsertit ur nelli. 

Ass-a, am imsulta, am imezzurfa, ttbanen-d d ‘’les gangsters’’-nni n Marikan. I tiṭ n Izzayriyen, ur llin d iɣil n udabu ittuqadren, maca bedden d afus n terbaât i yesseqdac wa, neɣ i yesedduy win i d-inetlen si texnaqt, akken ad yaɣ adabu azekka. D agraw n ‘’les putschistes’’. 

Tamurt irebḥen, tin ibedden ɣef izerfan, tagejdit-is d taɣdemt ur nbeṭṭu gar imezdaɣ n tmurt. Mačči d abrid-nni i tuɣ teɣdemt n Lezzayer s nnig 300 imeḥbas/inekraf ass-a, akked temrawin n wid yeqqen usaḍuf n tmara n ‘’contrôle judiciaire’’.

Tis tlata/kraḍ, adabu ikkat ad yeg iɣisi di tmurt n Lezzayer idduklen. Mačči d ayen illan d amaynut. 

Tamurt n Leqbayel (Kabylie) d tanemmast n tmurt n Lezzayer, tuɣ-d aẓar si nnig 30 n leqrun n umezruy, terna teṭṭef amur ameqqran seg yidles akked tutlayt n imezwura. D nettat i yellan ass-a d asɣen ameqqran akked Tmazɣa-nni ɣef yemmurt Yugerten. Ass-a, tiḥila n udabu akken ad tt-ibḍu gar-as d temnaḍin nniḍen n tmurt, ad as-d-tezzi zun d tiyita n uzduz ɣer gar wallen.

Urar n udabu ẓran-t akk imeɣnasen n hirak-tanekra di yal tama, di yal tiɣremt n tmurt. 

Tis rebaâ/kuẓ, d tuttra : 

Adabu i d-iwwin abrid ‘’deḥdaḥi’’, akken ad icudd neɣ ad igdel awal i yal win iẓerren abrid yemgaraden, d ameɣnas d-iffɣen s talwit ɣer ubrid ad isuɣ, d aneɣmas i yuran akken iẓra tamsalt mačči akken i yas-d-nnan ad tt-yaru, d yal Azzayri i yeskecmen iman-is di lecɣal n tmurt-is (« délit d’ingérence dans les affaires intérieures de son propre pays i »), adabu-ya ur iddi deg ubrid n tsertit akken teddun di tmura nniḍen. 

Anda yella wugur ?

Si tmuɣli-nnaɣ, tikli n udabu ass-a tekka-d seg uẓar n udabu di 1962, si tmuɣli yefran :  ‘’tamurt d lkazirna’’. 

D tasuddest taserdasit (stratégie militaire) i yesedduyen adabu n Abdelmadjid Tebboune. Akken bɣun uraren s wegdud, neɣ ad d-sbedden azekka aneɣlaf amezwaru ara d-suffɣen seg uqelmun-nsen, d wa neɣ d win, aẓar n udabu yiwen-is, ur ibeddel : « Ddu neɣ efk-d lekwaɣeḍ-ik ! ».

Ad d-yas wass-is i « Lezzayer n lkazirna’ »…

Auteur
Aumer U Lamara

 




ARTICLES SIMILAIRES

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Les plus lus

Manifestations réprimées dans le sang au sud de la Syrie

Un manifestant et un policier ont été tués et quatre autres personnes blessées dimanche dans la ville de Soueida, dans le sud de la...

Les plus populaires

Commentaires récents