Ulac ayen ibeddlen si tallit n udabu n Ahmed Taleb Ibrahimi, mi yella d aneɣlaf ɣer yidis n Boumediène.
Iḍelli kan, adabu n El Muradya yerna-d idil wis 3 nnig tutlayt tamaziɣt (1) : taglizit ad tekcem deg uɣerbaz di tazwara… ma tamaziɣt ad teqqim d tutlayt tarbibt (facultative), akkin berra n unnar/unrar !
Tuɣalin ɣer tallit n Ahmed Taleb Ibrahimi, iwwi-tt-id wawal acku d adabu-nni yellan imir, d win i yeqqnen di 2022 Izzayriyen di leḥbas n yal tiɣremt, i yesseqdacen taɣdemt akken ad d-issers tasusmi n tekmamin.
Tasertit i seddan imezwura-nni (Ben Bella, Boumediène, Ahmed Taleb Ibrahimi, Mouloud Kacem…) deg usalu n taârabt-tinneslemt, ur telli d tin n ‘’auto-flagellation culturelle et civilsationnelle’’, wid iwten iman-nsen s ufus-nsen ; asalu-nsen d tasertit n usenger n yidles d tutlayt tamaziɣt.
Deg ubrid-nsen, zwaren i lǧil deg ubrid n tiẓri n « grand remplacement » (2), ɣas ma ur nnin awalen-nni, ur nettwassen.
Ma neffel akkin i yisuɣan akked uburref n Ahmed Ben Bella, asmi yenna di 1962, tlata tikkal : « nous sommes des Arabes !», tikli n Ahmed Taleb tettban-d tebna, tewzen, tefka tamuɣli akkin, akken ad irekkel tasertit n taârabt-tinneslemt deg uɣerbaz, di tmurt.
Issefk ad as-iẓẓu di tazwara tuẓẓal n tikerkas (3) : ad issenger tamaziɣt, zun Imaziɣen llan zik, maca negren, tusa-d tɣerma taârabt akked ddin ineslem i yeṭṭfen amkan-nsen, ibeddel udem i tmurt.
S tmuɣli n wass-a, Ahmed Taleb yessemres tasertit n « grand remplacement », ddaw tecḍat kan, send ad as-gen isem wiyaḍ, di tmura nniḍen n Urupa (Legliz, Fransa).
Tagejdit tamezwarut iẓẓa-tt Ahmed Taleb s unekcum n taârabt lfusḥa deg uɣerbaz, akked wahil iddan deg ubrid n taârabt-tnneslemt s umezreg n IPN/Institut Pédagogique National akked SNED (Société National d’Edition et de Diffusion), d win izwaren ikkes tutlayin n tmurt : tamaziɣt akked darǧa (d tutlayt ur nelli d taârabt lfusḥa, acku tlul-d di tmurt-nneɣ).
Syin, Ahmed Taleb ifres abrid s yal asaḍuf akka d wakka : d netta i yekksen taɣuri n tmaziɣt di tesdawit n Lezzayer, d netta i yessawḍen Boumediène ad infu Kateb Yacine si Lezzayer ɣer tiɣremt n Sidi Bel Abbes, syin ɣer berra n tmurt…
Ɣer sdat, tasertit n Ahmed Taleb Ibrahimi tefka iẓuran di tmurt, teslul-d tasertit n FIS akked wid akk isnegren tamurt (MIA, GIA, GSPC, AQMI,…).
Imdanen i d-issuffɣen tawleft/ttwira n Ahmed Taleb Ibrahimi di tikli n Lḥirak di Lezzayer, di 2019 – 2020, d wid-nni yessarmen ad ddun ugar deg urbid-is, ad sinfen tikli n tegrawla n talwit ur nessaweḍ ass-a.
D wid-nni i yellan deg udabu ass-a, teddun akken ad snegren aẓar n tmaziɣt di tmurt tamaziɣt. Maca beddlen kan abrid ɣef win n FLN, s tiḥḥerci, ad snegren isem n tmaziɣt, ad qqnen ugar tamurt n Yugerten , d tarbibt ɣer wagmuḍ aârab.
Mačči d tarewla ɣer tqacuct/tacwawt n udrar ara ihudden tazmert-nsen…
Aumer U Lamara
Timerna / Notes.
1) Taârabt, tafransist, taglizit… nnig tmaziɣt !
2) Le grand remplacement est une théorie du complot d’extrême droite introduite en 2010 par l’écrivain français Renaud Camus ; il affirme qu’il existerait en France un processus de substitution de la population française et européenne par une population non européenne, originaire en premier lieu d’Afrique subsaharienne et d’Afrique du Nord ; ce processus conduirait à un changement de civilisation soutenu, voire organisé, par une élite politique, intellectuelle et médiatique qualifiée de « remplaciste », qui maintiendrait à ce sujet une conspiration du silence et serait motivée par l’idéologie ou par l’intérêt économique. Cette thèse a déjà été introduite en 2005 par l’essayiste britannique Bat Ye’or. (wiki)
3) Ticrurin n Ahmed Taleb Ibrahimi (d aneɣlaf, si 1965 armi d 1988) :
« L’erreur qu’a commise l’Algérie indépendante est d’avoir occulté la dimension berbère » (comment un crime de civilisation devient une simple ‘’erreur’’ pour Ahmed Taleb Ibrahimi).
« Lorsque la France a occupé l’Algérie en 1830, elle s’est trouvée devant un peuple qui avait une personnalité reposant sur un triptyque : une origine berbère, une culture arabe et une foi et civilisation musulmanes » (pour Ahmed Taleb Ibrahimi, les Berbères ont disparu, comme les dinosaures, il n’y a pas de langue, pas de culture et de civilisation berbères).
« Tous les Algériens sont des Berbères plus ou moins arabisés ». (ils sont devenus des Arabes, par la magie de la génétique islamique !).
« Nos ancêtres, qui parlaient berbère quotidiennement, qui dans les sermons du vendredi mélangeaient l’arabe et le berbère, lorsqu’il s’agissait de laisser une œuvre à leurs enfants la laissaient en arabe » (pour Ahmed Taleb, la langue berbère n’existe que comme béquille pour les sermons islamiques du vendredi, après l’arabe !).
(RFI, interview de Olivier Da Lage, 2004).
http://www1.rfi.fr/actufr/articles/018/article_8444.asp