Da Lḥusin yessεa tahanuţ di taddart, yaεwat yiwen uɣarda, yefka-yas axeṣṣaṛ. Tipakiyin n ligaṭu, mi yeseffsed yiwet, ad inneggez ar tayeḍ. Da Lḥusin yeţţmeslay waḥdes weḥdes, yeqqaṛ-as :

– Muqel tura i wemumad afuḥan! Limmer meqaṛ i teţ yiwet n t-pakkiţ ar ţ-ifak! Umaεna neţa i teddu-yi di neqqwma, a d-ineqev yiwet a d-inneggez ar tayeḍ!

Aɣarda amcum yuɣal yečča-yas ula d kaṛni andda yeţţmaṛk-ay akkriddi.

Da Lḥusin yekkufar! Deg-wass n suq iṛuḥ yuɣ-ed lmenddif (piège à rats), iḍeggaṛ ar daxel-is kra n tligaṭutin i wakken a tisellqqweḍ, yenna-yas :

– A k-id izenz Ṛebbi deg iḍ agi, azekka aţ waliḍ!

Azzekka-nni, mi yelli kan tabbwurt n tḥannuţ, yesla i weskarwec, yenna-yas :

– Ɛeslama-k a win fi ţnnaḍiɣ acḥal aya !

Yeddmed aɣarda-nni, yeṭṭf-it di tṣeṭṭa, yevda yeţţṭuṛṭur-it. Yekkat-it s yiwen uεekkaz ar teqqaṛuyt-is, yeqqaṛ-as :

– Akka a yiwen uffuḥan ! Ur testeqnεeḍ ara s ligaṭu, tuɣaleḍ teččiḍ-iyi ula d akarni n wukriddi! Tura mebla εezzṛayen-ik ur temuteḍ, alamma teffkiḍ-iyi-d yakk ismawen n wid yesεan a kriddi ar ɣuṛ-i!