Nnig 20 n leqrun ideg illa waɣlan n Numidya, win isduklen Lezzayer akked Tunes n wass-a. Illa uwanak/Etat anumid si tallit n Masnsen, n Makawsen, n Yugerten akkin ɣer sdat armi d Yuba II akked Ptolemee…
Mačči d Fransa i d-isnulfan aɣlan azzayri si mi d-tekcem di 1830, am akken i yetter uselway n Fransa, Emmanuel Macron: « y avait-il une nation algérienne avant la colonisation ? » (1)
Di tuttra-nni, tella tririt-is, tentel kan deffir wawal-is : zun ulac yakan aɣlan azzayri !
Mačči d Fransa i d-isnulfan tamurt n Lezzayer am akken i yenna ussan-a uselway n MAK, Ferhat Mehenni deg uɣmis Le Monde (4).
Ayen illan deg umezruy :
Asmi d-tekcem Fransa di 1830, amur n tmurt n Lezzayer n ugafa (Lezzayer, Wehran, Qsenṭina, Mdeya) tella d tasahrest/colonie n udabu n Turk si 1515. Di Lezzayer d Dey Husein i yeṭṭfen adabu. D iserdasen-is i iqublen wid n Fransa i d-ikecmen si Sidi Freǧ. Kra wussan kan negren iserdasen n Turk, syin d Izzayriyen i yekkren nnuɣen iserdasen n Fransa n Jiniral de Bourmont. Anida ddan ad kecmen yiserdasen n Fransa, ad afen sdat-nsen Izzayriyen kkren-d ad nnaɣen, ad mmten ɣef tmurt-nsen.
Di tallit-nni, tella yiwet tsertit n Fransa i seddan ijiniraliyen Baraguey d’Hilliers, Mac Mahon, Magnan, Pélissier, Duvivier, Lamoricière, Changarnier, Desmichels, Saint-Arnaud, Bugeaud, Randon… : ad snegren imezdaɣ n Lezzayer akken ad ṭṭfen tamurt, syen ad d-awin imezdaɣ imaynuten si Urupa ; gan-as isem : « colonisation de peuplement ».
Yiwet tsertit kan i yellan d tamaynut ɣer sdat, d tin n Napoleon III, win i yennan di 1860 mi d-irza ɣer Lezzayer : issarem ad d-isnufu tagelda taârabt, « le royaume arabe », si tmurt n Lezzayer armi d Surya ! (2), tin ara yilin ddaw tecḍat n Fransa. Teqqim d awal kan.
I tmurt n Fransa, tamurt n Lezzayer ur telli d aɣlan, ur teddukel, tebna ɣef tewsimin/tribus i yettnaɣen gar-asent yal ass.
Takti ‘’tameqqrant’’ tennulfa-d sɣur ukabar n PCF, d takti n ‘’čekčuka/ačexčux’’ : aɣlan azzayri ad d-innulfu ɣer sdat (« nation en formation) s imezdaɣ akk illan di tmurt n Lezzayer ; d awal i yenna Maurice Thorez di 1939 : « une sorte de fusion idéale (melting-pot) entre Kabyles, Arabes, Juifs, Grecs, Maltais, Espagnols, Italiens et Français, donnant naissance à une « nation algérienne qui se constituait dans le mélange de vingt races » (3).
Maurice Thorez ittu yiwet temsalt : wid illan afella (imhuras/colonisateurs n Urupa) ur qbilen ad ilin idis n wid ittuharsen i yellan adda, ttwarekḍen (les colonisés, Izzayriyen).
Tamsalt teddez tebrez : ulac aɣlan azzayri !
Deffir 1962, llan Izzayriyen i yuɣen abrid n imharsan ifransiyen.
1. Di 2013, d Ahmed Benbitour, aneɣlaf n Bouteflika (4) :
Di tallit-nni deg ittazzal akken ad d-ibedd di temsizzelt tameqqrant, iga tadiwennit deg uɣmis Mediapart. Inna Benbitour : Lezzayer d melting-pot/čekčuka n « différentes religions et langues, des différentes tribus venues en asile ou en envahisseur, par les résistances aux occupants …» (4).
Benbitour ikkes akkin 20 leqrun n umezruy n Tamazɣa, n yal awanak n Tamazɣa si tallit n Masnsen.
Zun ulac amgared akked wayen inna Maurice Thorez di 1939.
2. Di 2025, d Ferhat Mehenni, i yennan di tadiwennit deg uɣmis Le Monde (5) : « L’Algérie n’est pas une nation, c’est une création coloniale avec divers peuples qui se sont agglomérés contre le colonialisme » / (Lezzayer ur telli d aɣlan, d agraw n iɣerfan imgaraden, dduklen kan tallit akken ad nnaɣen imnekcem amharsan).
Attan tuɣal-d tmuɣli-nni n Maurice Thorez akked yimharsan n Fransa : zun Lezzayer ur telli d aɣlan, tella kan d čekčuka n iɣerfan ur icrik uẓar, ur icrik yidles, ur icrik umezruy n 30 leqrun neɣ ugar !
Amek zemrent tḥila n tsertit ad siwḍent ɣer tuffɣa seg ubrid n umezruy.
Tamsirt :
Ma yekker yiwen ad ifru ugur, issefk ad iwwet akken ad ifru ugur-nni, s tmuɣli d tmussni, ad izwir ad d-yaf ansi d-ilul wugur, acku yal ugur ikka-d si tmentilt/cause illan, mačči d « aẓar n tagut ».
Ur issefk ad d-isnulfu yiwen ugur yugaren ugur amezwaru, zun d takerza n ulɣem !
Akken ibɣu yili, mačči s userǧen n umezruy (d win i d tafellaḥt n ixuniyen) ara yefru wugur illan, ma neqqim deg ubrid n lmizan : Lezzayer d aɣlan illan si nnig 20 leqrun ; ma llan wuguren ass-a (llan, d imeqqranen), ad frun s urekkel n tidet n umezruy, mačči s tḥila.
Ma akken nniḍen, ad nuɣal ɣer tin n : « axxam n baba yerɣa meqqar ad seḥmuɣ ».
Aumer U Lamara
Timerna / Notes :
1. Algérie-France : y avait-il une nation algérienne avant la colonisation française ?
Les propos d’Emmanuel Macron sur l’existence d’une « nation algérienne » avant la colonisation française ont ravivé les tensions entre Alger et Paris…
source : https://www.jeuneafrique.com/1247481/politique/algerie-france-y-avait-il-une-nation-algerienne-avant-la-colonisation-francaise/
2. « Notre possession en Afrique n’est pas une colonie ordinaire, c’est le royaume arabe », Napoléon III, Alger 1860.
3. Quand débute la guerre d’Algérie, le bagage théorique principal du PCF reste celui de la nation en formation. Le 11 février 1939 à Alger, lors d’une tournée, le secrétaire général, Maurice Thorez avait prononcé un discours qui se voulait regard prospectif sur ce que pourrait être une Algérie nouvelle : une sorte de fusion idéale (melting-pot) entre Kabyles, Arabes, Juifs, Grecs, Maltais, Espagnols, Italiens et Français, donnant naissance à une « nation algérienne qui se constituait dans le mélange de vingt races ».
En fait, ce schéma n’était – et ne pouvait être – qu’une aspiration, un idéal à atteindre. Mais il s’est continûment heurté à la « centrale barrière coloniale qui, en Algérie, clivait la société ». Le creuset était tout simplement une impossibilité pratique, en situation coloniale. Il aurait fallu que la majorité des pieds-noirs acceptent cette évolution, participent eux-mêmes à la destruction de la barrière coloniale, celle-là même qui assurait ses privilèges (immenses chez les gros colons, mais non négligeables au quotidien pour le petit peuple européen des villes et des campagnes)… Une nation nouvelle selon le schéma thorézien n’aurait pu, dans l’idéal, se réaliser qu’après l’indépendance. Mais alors plus personne n’en voulait, ni les anciens colonisateurs ni les anciens colonisés.
La vision de Mouloud Feraoun :
Lorsqu’éclata la guerre d’Algérie, Mouloud Feraoun, écrivain, alors instituteur en Kabylie, s’interrogea : il ne pouvait y avoir, entre Français et indigènes, de divorce… car il n’y avait jamais eu de mariage. « Les Français sont restés à l’écart. Dédaigneusement à l’écart. Les Français sont restés étrangers. Ils croyaient que l’Algérie, c’était eux ». Pour conclure, dépité : « Le mal vient de là. Inutile de chercher ailleurs. Un siècle durant, on s’est coudoyé sans curiosité, il ne reste plus qu’à récolter cette indifférence réfléchie qui est le contraire de l’amour. » (décembre 1955).
4. Ahmed Benbitour, ancien premier ministre de Bouteflika, est candidat à la présidentielle algérienne de 2014. Il le fait savoir depuis quelques mois et vient de préciser sa pensée dans l’interview publiée par Médiapart le 02 avril 2013.
L’Homme a les idées bien claires sur les voies de la restauration de la République, de la citoyenneté et de la relance économique en Algérie après le désastre de la gestion FLN, des barbes-FLN et des Bouteflika depuis 1962.
Cependant, tout l’artifice du discours démocratique et moderniste s’écroule dans la réponse donnée à la dernière question sur la définition de la nation algérienne. Notre « candidat du changement » s’enfonce dans les pires labyrinthes négationnistes concernant la nation algérienne. Pour lui, la nation algérienne est un melting-pot de « différentes religions et langues, des différentes tribus venues en asile ou en envahisseur, par les résistances aux occupants …». Bref, une reprise de la théorie du melting-pot de Maurice Thorez et des historiens colonialistes.
5. « En Algérie, le Mouvement pour l’autodétermination de la Kabylie, bête noire du régime, en quête de soutiens étrangers », titre Le Monde du 03/08/2025.
« L’Algérie n’est pas une nation, c’est une création coloniale avec divers peuples qui se sont agglomérés contre le colonialisme », affirme le dirigeant, qui appelle à la tenue d’un référendum. Si les Kabyles ne veulent pas de cette indépendance, qu’ils s’expriment et on n’en parlera plus. » Mais en cas de victoire du oui, un Etat kabyle, doté de ses propres institutions, verrait le jour : « Un Etat francophone et francophile, qui serait le meilleur allié de la France sur la rive sud de la Méditerranée ». (Ferhat Mehenni, président du MAK).
