La réalisation, les images et le montage de cette vidéo sont de Hayat Aït Menguellet (Hayat A.M.). Paroles et musique: Lounis Aït Menguellet. Traduction (en sous-titré): Tarik Aït Menguellet.
L’immortelle chanson « Ageffur » de Lounis Aït Menguellet sur des images de la Kabylie avant et après les incendies qui ont ravagé cette région en août 2021.
Ageffur
Mennaɣ ad amneɣ
S mbaɛd lmut-im
Akken ad kemm-in-afeɣ
Deg wayen yebɣa wul-im
Ar ɣur-m ad nawveɣ
Ad waliɣ udem-im
Ahat ad uklaleɣ
Amkan s idis-im
Maɛni kra ttargun
Ɣef tudert nniden
Talfi ad aɣ-t-id-ḥkun
Wid id-yuɣalen
Ur walant wallen
Yella kra ara yilin
Laɛmer id uɣalen
Ad aɣ-t-id-inin
Mennaɣ ad amneɣ
Ad tseggem ddunit
Akken ssarameɣ
Ad teffeɣ targit
Ad yeḥkem leɛqel
Ayen yelhan ad d-yas
Ad yeɣli lbaṭel Ad tekfu nnuba-s
Maɛna amek ara namen
Mi ad nẓer i iḍerrun
Wid ara yessirmen
Mi yuysen ttrun
Maɛna amek ara yamen
Mi ara ẓerren laẓ
Ɣer wid it-yesnen
Mi reglen yettaẓ
Mennaɣ ad amneɣ
Win ihelken yeḥla
Yal lehlak yellan
Ad as-naf ddwa
Mennaɣ ad tuɣal
Lmut am targit
Yal wa uqbel mi ara iruḥ
Ad yerwu ddunit
Maɛni maççi akka
Win tebɣa tɣur-it
Ur nezmir i kra
Mi d-tedla tekellex-it
Fell-as nesteqsa
Ziɣ teɛjel tebwi-t
Iḍelli yella
Ass-agi ulac-it
Mennaɣ a lukan
Iseggasen-nni
Deg wussan yelhan
Ad ḥebsen tikli
Deg wussan nniven
Widak ur nebɣa
Neḥzen neɣ nuḍen
Ur ḥebbsen ara
Lamaɛni tɣawel
Temẓi truḥ tfat
Mi nedla tuzzel
Tɛedda am tafat
Tudert ur tḥebbes
Ur turǧa lebɣi-k
Ma tzemreḍ faṛes
Neɣ rfed lqec-ik
Abruri lehwa
Rnan-d i usemmiḍ
Di tegnewt am ta
D acu ara t-iniḍ
Yettubbu-d wagu
Yeɣli-d ɣef wallaɣ
Asirem i usefru Limmer ad d-yas ad t-naɣ
Di lḥal yecban wa
D acu ad d-nemmekti
Siwa yir tirga
Id aɣ-d-yeǧoa iḍelli
Tafsut ad tt-narǧu
Ul ad as-yekkes lɣemm
Ass-n ad d-necnu
Isefra n usirem
Lounis Aït Menguellet