Lezzayer : di ṭṭrad n isebdaden (dans la guerre des statues)

Tamsalt n usebdad n Aksil deg Awras iskefl-d ayen ur nefri di tmurt n Lezzayer (1) : d aẓar, d amezruy, d idles, d tutlayt… d ayen akk illan d tamagit/identité n tmurt n Lezzayer akked Tamazɣa.

Asmi yemmut Okba Ibn Nafi el Fihri di 683 di tiɣremt n Tahuda deg Awras, deg yimenɣi mgal Aksil akked iserdasen Imaziɣen, at tmurt-nni bnan-as taqubbet akked tamesgida i Oqba, anida yella uẓekka-s. Tiɣremt-nni n Tahuda beddlen-as isem, gan-as « Sidi Oqba » !

Lezzayer tamunant n deffir 1962, terna tesbedd din asebdad n Oqba s leqran deg ufus-is di tiɣremt n « Sidi Oqba ».

Lezzayer d-iffɣen si temhersa n Fransa, tekcem ddaw uzaglu n temhersa n taârabt-tinneslemt. Isem n Aksil ikkes seg umezruy, tikerkas deg umezruy kecment annar (2).

Aḍu amaynut

Tagrawla tadelsant tamaziɣt iteddun ass-a nnig ubrid, ddaw ubrid, tessaweḍ imezdaɣ n Awras ad d-rren asalu n umezruy deg ubrid-is, sbedden asebdad n Aksil idis n Kenchela. Kra wussan kan, adabu n tmurt n Lezzayer (akken ibɣu yili, d taɣiwant, d tawilayt, neɣ d anabaḍ n El Muradya), ikkes asebdad-nni, issers-it akkin zun d aɣerrus.

Zun mačči d amkan-is. Ulac amkan i Aksil di tmurt n… Aksil !

Adabu i yesbedden asebdad n Oqba Ibn Nafi deg Awras acḥal iseggasen aya, d win i yesbedden asebdad n Aâruǧ Barberousse di Lezzayer, d win i yesbedden asebdad n Buleggin/Bologhine di Lezzayer, iga-yas agennur akked ujellab n Turk (4), 6 leqrun qbel ad d-ikcem Turk tamurt !

Deffir tukksa n usebdad n Aksil, mi yeffeɣ wawal di internet di yal tamurt, ikker wayhuh, adabu n Lezzayer mazal-it ikkat ad issens times ; ussan-a yefka-d wid ara yessegnen imdanen s wawal n tikerkas : « akka kra wussan ɣer sdat, ad nesbedd Aksil deg umkan-is ». D aɣebbar s allen !

Aqelmun ɣer iḍarren

Tamurt ibedden si 1962, deffir 7 iseggasen n ṭṭrad mgal tamhersa n Fransa, issefk ad tekkes yal tamhersa, ad tefk ccan i umezruy, ad tesbedd yal azamul n umennuɣ n tarwa n tmurt ɣef tilelli n tmurt, d amdan neɣ d amkan.

Taggara teɣli tmurt aḍar afus deg irebbi n taârabt-tinneslemt, s ufus n FLN amaynut.

D tasertit intin si tallit n Messali, deg ukabar n MTLD, win islulen Lezzayer « si lqern wis 7 d afella », d tin ibedden s wawalen-nni imezwura i yenna Ahmed Ben Bella di 1962, « Nekkni d Aâraben, nekkni d Aâraben, nekkni d Aâraben », asmi yewweḍ ɣer Tunes, si mi kan d-iffeɣ si lḥebs.

Adabu yerran aqelmun ɣer iḍarren di temsalt n tmagit, izmer ad irnu ad iddu deg ubrid-nni n tikerkas akken ad irkeḍ ugar tamurt n Lezzayer. D adabu n tmurt n Lezzayer ?

Azekka, adabu-nni yezmer ad yeg ccan i wudmawen n umezruy i yesnegren tamurt deffir yimnayen n Oqba Ibn Nafiɛ.

Anwa i yeẓran win deg ara zwiren, ad t-sbedden di tnemmast n Lezzayer neɣ di tɣermin nniḍen n tmurt. Mačči yiwen i yellan  ?

D asebdad n Duc d’Orléans di tnemmast n usayes n imeɣrasen (Place des martyres), di Lezzayer tamanaɣt, akken ad d-yuɣal ɣer umkan-is (5) ?

D jiniral de Bourmont, win  i d-ikecmen tamurt n Lezzayer deg wass 14 yunyu 1830 ?

D Maréchal Pelissier, neɣ Saint-Arnaud, wid i yesserɣen Izzayriyen deg yifran n idurar n Imeɣrawen n Daḥra (6) (7) ?

D jiniral Bugeaud, win i yesserɣen issenger tamurt (8) ?

D Maréchal Randon, win ikecmen adrar n At Iraten s 36000 iserdasen, issenger tudrin am tin n Icarɛiwen, taddart n Si Muḥ U Mḥend, syin isbedd din agadir n lkazirna n Fort Napoléon (9) ?

…

Ma drus akka, azekka ad fken asebdad n Abdelqader i yellan yakan ibedd di tnemmast n Lezzayer, akken ad izger ɣer tmurt n Fransa, ad yaf amkan-is, am akken izger netta, si mi yerrandi deg wass n 21 dujamber 1847 ɣur jiniral de Lamoricière  !  

Ass-a, llan sin iberdan sdat-nneɣ : abrid n Lezzayer tazzayrit, akked ubrid n usekkak n taârabt-tinnesemt.

« On n’est pas sortis de l’auberge » (mazal d-neffiɣ si taberna), am akken iḥemmel ad yini  Muḥya !

Aumer U Lamara

Timerna / Notes :

1.  La statue d’Aksil démontée (Le Matin d’Algérie )

2. Un site type de manipulation de l’histoire et de désinformation au nom d l’islam : https://decolonizingalgeria.wordpress.com/2023/08/21/sidi-okba-lieu-de-memoire-temoin-de-lhistoire/

4. Buleggin U Ziri U Mennad (‘’Bologhine’’) s ucaciw n Turk !

Tout visiteur de la Casbah d’Alger découvrira sur les hauteurs, avant le palais du Dey, la statue de Bologhine/Buleggin, fondateur en 960 de la ville d’Alger, de Médéa et Miliana. L’érection de cette statue depuis quelques années est une entreprise louable pour nous réapproprier l’histoire de notre pays.

Cependant, cette statue ne représente pas un algérien de l’époque mais un dignitaire turc, de la coiffe à l’habillement et au sabre !

Bologhine/Buleggin a fondé Alger en 960. Les Turcs ont colonisé l’Algérie dès 1514, suite à l’assassinat du sultan d’Alger, Salim Outemmi, par Aroudj Barberousse. Il y a donc près de 6 siècles d’écart entre Bologhine et l’arrivée des mercenaires turcs !

Encore un mystère de l’orientalisme et de l’hégémonie arabo-islamique.

5. Statue du Duc d’Orléans (Louis Philippe I), érigée Place du Gouvernement à Alger à côté de la mosquée de la Pêcherie en 1845, la statue est rapatriée en France en 1963 puis entreposée au château de Vincennes. En 1974, elle est retrouvée par un conservateur. En accord avec le Comte de Paris, Achille Peretti accepte d’ériger la statue à Neuilly.

6. Maréchal Pelissier : Jean Jacques Pélissier a un comportement particulièrement inhumain lors de l’enfumade du Dahra, en 1845, au cours duquel il fait périr un millier de combattants et civils (dont femmes, enfants et vieillards), sans distinction, qui avaient cru trouver asile dans les grottes du Dahra…

Enfumades en Algérie :

7. Général Saint-Arnaud (illa idis n Pélissier) : « On ravage, on brûle, on pille, on détruit les moissons et les arbres. » Les mots de Saint-Arnaud dans ses lettres sont directs. Il se plaint même parfois du manque de combats. Il commente aussi les actions de ses pairs : « Les journaux te donneront les tristes détails des extrémités cruelles où Pélissier a été obligé d’en venir pour soumettre les Ouled Rias qui s’étaient réfugiés dans leurs cavernes… Le fanatisme est une horrible chose. Pélissier a employé tous les moyens, tous les raisonnements, toutes les sommations. Il a dû agir de rigueur. J’aurais été à sa place, j’aurais fait de même, mais j’aime mieux que ce lot lui soit tombé qu’à moi ». Il rajoute : « Aurait-on préféré lire : la colonne Pélissier a eu deux cents hommes tués devant les grottes des Ouled Rias, et toute la population a pu s’échapper avec ses armes ? « 6. Il trouve que « l’Afrique perd de sa poésie » quand il pratique le massacre en grand par « l’enfumade », méthode consistant à asphyxier des centaines de personnes réfugiées dans des cavernes. Il emmure huit cents personnes de la tribu Sbeha, du 8 au 12 août 1847…

8. Thomas Robert Bugeaud

Bugeaud emploie de nouvelles méthodes de guerre inspirées de son expérience dans la lutte contre les partisans pendant la guerre d’Espagne… Les troupes sont divisées en colonnes mobiles ; elles pourchassent les combattants arabes par une incessante offensive et, pour les affamer, font le vide devant eux, incendiant les villages, raflant les troupeaux. C’est la politique de la terre brûlée et des grottes enfumées : « Le but n’est pas de courir après les Arabes, ce qui est fort inutile ; il est d’empêcher les Arabes de semer, de récolter, de pâturer, […] de jouir de leurs champs […]. Allez tous les ans leur brûler leurs récoltes […], ou bien exterminez-les jusqu’au dernier. ».

9. Maréchal Jacques Louis Randon.

Il retourne en Algérie, en qualité de gouverneur général, en 1851… Son administration est marquée par d’importantes expéditions militaires. Pour ne parler que des principales, l’expédition des Babors qui brise en 1852 l’indépendance de la Kabylie orientale ; en 1854 les opérations sur le Sebaou, puis l’expédition de 1857 et soumet à la France toutes les tribus comprises entre le Sebaou, Dellys et Bougie. Enfin la conquête de la Kabylie du Djurdjura qui lui vaut le bâton de maréchal en 1856. Dans le sud, la prise de Laghouat et de Touggourt, la soumission des Beni-M’zab et celle du Souf, reculent les limites de l’Algérie jusqu’au grand désert.