Deg yimalas yezrin, ass-nni n ssebt 28 ctembre 2024 ɣef 11 n uzal , tella-d yiwet n temlilit i d-tessudes tdukkla franco-kabyle n tɣiwant n Champigny sur Marne 94500 (AFKC) s tallelt n tegrumma n yimfernen n tesqamut -Taɣiwant ɣef uqerru-nsen Mass Laurent Jeanne : Aselway n tɣiwant n Champingy .
Leqdic-a yettwasbedd ɣef yiwet n tekti yeɛan tixuṭert d tanesbaɣurt . D asefk n yisem n Matoub Lounès i tikkelt nniḍen i yiwen uzniq i yellan deg ‘’ Angle du hameau Alfred Grévin’’ deg tɣiwant n Champigny sur Marne. Azniq-a icebḥen ad yawi isem n Matoub yal ass, ad d yili yekcem deg tgemmi tagraɣlant anda di tmurt n Fransa ad yattwasemmi kra n umḍiq ɣef yisem n Ugrawliw, umeɣnas n yizerfan d tlelliyin, ɣas ulamma mačči d tikkelt tamezwarut ara fken assag ɣef Matoub. Maca, asefk-a d asrusu n wazal i d-yefka MATOUB akken ad d ten-gemren yigduden nniḍen, d asmekti mgal tatut ɣef wayen iɛeddan fell-as.
Leqdic-a yella-d s lmendad n Tidukkla n AFKC ɣef uqerruy-is Samia Kachir anda i d-gren irebbi i lebni n yidles d usemɣer n temɣiwant n Leqbayel deg temnaḍt-a. Aya d asebgen n umennuɣ d yiskiren i ɣef i d-yewwi Matoub deg uɣrabu n ccna amḥadi s yizerfan d tlelliyin i yigduden, xersum ɣef temsal n tmaziɣt d yigduden-is yettwakerfen.
Ddeqs i d-yusan n yimdanen ḥeḍren deg tulya tunsibt n usemmi n ubrid ɣef Matoub Lounès; Gar-asen tameṭṭut-is Nadia Matoub d yirfiqen-is gar-asen; Zedek Lmulud , Ali Amrane , Akli D. d wiyaḍ nniḍen gar yineɣmasen , imeɣnasen…
« D rrezg meqqren i d-gren irebbi i usenfar-a… » ɣef wakken i d-tenna Massa Sabrina Abchiche; d tameɣnast n yidles, d tufrint, d tamɛiwent n uselway n usqamu aɣiwan n Champigny sur Marne. D akken tenna-d; aya d rrezg meqqren ay qeblen yimfernen-nneɣ n tesqamut n tɣiwant n Champigny i tikti-aya n usemmi n webrid-a ɣef Matoub Lounes, i mi acḥal-aya la nettḥerkil akken ad nexdem kra n usenfar ara yeqqimen i lebda ɣef yiman n Matoub.
Bexlaf qeblen aya s teḍfi xersum Mass Jeanne ( Lmir n tɣiwant) i mi ssnen ayen yexdem d wayen i d-yewwi d amennuɣ ɣef wazalen yesɛan inumak icudden ɣer talsa yakk.
Azzedine Abdous
 s tallelt n tegrumma n yimfernen n tesqamut -Taɣiwant ɣef uqerru-nsen Mass Laurent Jeanne : Aselway n tɣiwant n Champingy .){kind=link}