Ur d mazal ad d-yernu yimi ameslay deg wayen yeḍran deg sin yinebduyen iɛeddan, d axessar n tmes i isnegren tamurt n Leqbayel. Nebɣa anebdu n lferḥ d zzhu mačci anebdu-nni n yimeṭṭi d lxuf …
Deg yimalas-agi kan ɣer deffir i yekker uxessar deg tɣiwant n Yiɣzer Ameqqran tama n Summam Bgayet. Anda times telḥeq s ixxamen, tessaweḍ ɣer yinurar n tuddar i d-yezzin i temnaḍt-a. Taswiɛt-agi ur d-tegli ara s lexsara n yimdanen , maca tḥuza aṭas tawennaḍt. Agama yuɣal d agama aberkan , isekla imɣan d wayen yettemɣayen uɣalen d iɣiɣden n ṭṭeylal.
S tebɣest d lğehd n yimezdaɣ n temnaḍt-nni d yiɣallen n usellek i tt-yeğğan tmes-agi ur d-telḥiq ara ɣer terwiḥin. Times mazal-itt la tettenfufud! Imesudrar tekcem-iten rrehba d lxuf deg wayen iḍerrun n yibaxixen werğin iɛedda fell-asen.
Sin n yinebduyen-a iberkanen ur nebɣi ad d-uɣalen ula deg targit,. TargIt-nni yussumten lxuf d rrehba deg wallaɣen n yimdanen. Awer d-uɣalen ula deg usmekti mi ara d-nemmekti, aṭas n terwiḥin i yemmuten , tamurt tuɣal d lxali wa yennejla wa yerɣa !
ɣas ulamma ma nger-d tiɣri, yelha ma nezmer i yiman-nneɣ, ma nefka-as tixuṭert i ccɣel am wa acku maci d aqesser. Ussan n unebdu gren-d tijujar s uzɣal yezzin i tmurt, s tulin n tfesniwin i yessawḍen ɣer 40°! Tura ayen i ilaqen d ilaq ad yettwaxdmen i useḥbiber ɣef yimeḍqan yellan deg umihi ad ten-tezzer tmes.
Tiɣri i Tdukkliwin , i tɣiwanin, i Yigrawen akk n yimdanen n tmurt n Leqbayel:
Ilaq ad ilin s wakka :
-Tuddsa n tegrawin n tudrin i uheggi i tɛassast ɣef tmes.
-Afras n yiḥerqan; Yal yiwen ad yefres lmelk-ines .
-Beddu n wussan n twizi i tudrin akken ad ilint nnubat i ufras n yimudaɣ anda llan .
-Tullya n yiberdan imecṭaḥ anda yella aṭas n umdaɣ i usishel n yiɣallen n laman akken ad awḍen s amkan s sshala.
-Yal tasqamut n taɣiwant, yessefk ɣef yimḍebbren-ines ad luqmen tajmeɛt n udewwar akk d yimḍebbden n tudrin akken ad d-xelqen tigrumma s ttawilat i ilaqen i uḥareb ɣef lmaḍarat n tmes.
-Tdukkliwin (associations) ilaq ad d-grent iman-nsent deg tuddsiwin s yiwellihen i yimdanen d wallalen i ilaqen i tɛassast ɣef tmes.
-Ssbiṭarat ilaq ad heggin iman-nsen s yigrawen n yimejjayen d yimɛawnen-nsen akken ad siğhiden servisat i ilaqen.
Yessefk yal yiwen (t) deg-neɣ ad iheggi iman-is s ttawilat iwakken ur ttilin yineḍruyen ara icemten tiswiɛin imi nessaram anebdu n lferḥ d zzhu , maci anebdu n yimeṭṭi d tfuɣalt Lemḥadra tugar leqḍeɛ !
Azzedine Abdous
Tejjam ta&at i ucen tes-rajum ar d-ats-ikkes