28 septembre 2022
spot_img
AccueilIdéeƐeẓẓi akk d lfil, asmi i taṛɣa teẓgi

Ɛeẓẓi akk d lfil, asmi i taṛɣa teẓgi

Yiwen wass tekker tmess di teẓgi. Iɣaṛṣiwen akken ma llan, rrwel awa yeǧǧa-k wa! Ɛeẓẓi, yeqim yessikid deg-wfarfud yekkren deg-sen.

Yuɣal iţmeslay d yiman-is, yenna-yas :
– Ah ya ssiεqa! wali tura annect-agi n iɣaṛṣiwen, i limmer yal yiwen deg nneɣ a d-yeddem di temda bbwaman agi ayen i wumi yezmmar, as neddukkel i times agi, di saεt n teswiεin a ţexsi. Laddɣa tajlivt ina n Lfilat, zemmren a ţesexxsin s tuqemmca bbwallen!
Yeqim iruḥ di lwehmat, yuɣal yenna-yas :
– Ṛǧu tura, nekk ad xedmmeɣ ayen yellan felli, ma d nutni yal yiwen aqqaruy-is s daw tcacit-is.
Yebda yeţawi yeţara gar temda d uḥenṭṛabuz n tmess-nni. Ad yarfed tijjeɣimt di temda, a ţ-yesmir ɣef tmess-nni. Ata yaεna-t-id Lfil yeţaḍṣa fell-as, yenna-yas :
– Ɛni tebda-k-id tiddarwect a Ɛeẓẓi, tenniḍ-as s cwiṭ n tqamummt-nni yenek i s-ara tesenṣeḍ aḥeǧaǧu yagi n tmess ?
– Nekk ḥṣiɣ, mačči s teqamumt agi inu, i s-ara senseɣ timess agi! Umaεna, asmi ara d neqqim ar leḥsab, a nemmyuzzam, ass-nni nekk ulac win ay i d-iḥasven, neɣ a d-illum felli! ad yelli xedmmeɣ ayen iyi d yebbwi lḥal. Aɣbel fell-awen.
Ahmed Aït Bachir
ARTICLES SIMILAIRES

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Les plus lus

Les 329 détenus d’opinion originaires de Kabylie

Nous publions la liste détaillée des 329 prisonniers d'opinion originaires de la Kabylie. Certains ont été libérés. D'autres sont toujours derrière les barreaux. Cette...

Les plus populaires

Commentaires récents