1 février 2023
spot_img
AccueilPolitique2022, d aseggas n ɣerraq/procureur !!!

2022, d aseggas n ɣerraq/procureur !!!

 

Tebboune et MBS
D ixuniyen « sadamo-qatari » i yuɣen amkan deg udabu n wass-a di tmurt n Lezzayer.

D aseggas n ɣerraq ! D yir netta ! D win kan ad d-iqqimen azekka deg uktay/souvenir n 2022 : d ɣerraɣ ikkaten tarwa n tmurt, ‘‘ur nenɣi, ur newwit, ur nukir’’, s 3 iseggasen, 5 iseggasen, 10 iseggasen, 20 iseggasen n lḥebs… ! (1)

Ɣerraq n tmurt n Lezzayer, ur illi d amdan s yiwen yisem kan akken ad necfu fell-as, ur illi d yiwen umkan, d Dar El Beida, Blida, Seṭṭif, neɣ Sidi Mḥemmed, ur illi d ɣerraq kan s timmad-is, acku d netta i d amezzarfu, d netta i yellan nnig umezzarfu : d netta i d taɣdemt n tmurt n Lezzayer.

Ass-a, d ɣerraq i d udem n udabu n tmurt n Lezzayer, mačči d wid yettnekkaren yal ass, d asemmiḍ neɣ d adfel, xeddmen snernayen i tmurt-nsen.

Deffir wudem n ɣerraq i yekkaten akka d wakka s tewdect n « 5 iseggasen n lḥebs », llan akk wid i t-id-isbedden i bennu n teɣdemt n usekkak, zun d azduz ; mačči d leflani neɣ leflani. D win i d système politique, d agraw.

- Advertisement -

Imdanen i yellan deg ugraw-a, llan si yal tama n tmurt, illa wayen i ten-isduklen, i ten-icerken.

Tamezwarut d tamuɣli-nsen, neɣ asalu-nsen i tsertit-nsen : ad wten akken ufan akken ad rẓen yal tanekra n uɣref Azzayri iteddun i bennu n tugdut ɣef uẓar : d amussu amaziɣ, d amussu n yal timanit, d amussu n lḥirak/tanekra i tlalit n udabu amaynut, d amussu ɣef izerfan n tulawin, d yal amussu ur neddi deg ubrid n « ḥedd-tnin » n udabu…

Imdanen i yellan deg ugraw-a, mačči d « le pouvoir », tazzla ɣef tedrimt akked trika kan i ten-icerkan. Nitni llan ass-a d iwaziwen n tsertit-nsen n taârabt-tinneslemt ; d tasertit i d-ifkan aẓar seg iseggasen n 1960 di tmura taârabin (Surya, Maser, Iraq), iwumi tleqqem ass-a tsertit n igelliden n pétrole (Qatar, Saudya, Emirats).

Nezmer ad asen-neg isem, neɣ tacacit : d les hybrides « sadamo-qatari’’ ; nitni zdin temɣer akked targit n Saddam Hussein, n la nation arabe, akked temɣer n MBS akked Al Thani, n la nation islamique, tin i yedlen s laâbaya n igelliden n pétrole.

D ixuniyen « sadamo-qatari » i yuɣen amkan deg udabu n wass-a di tmurt n Lezzayer.

Deg wawal n imussnawen, amur ameqqran uɣen aẓar deg uɣlif n teɣdemt/ministère de la justice, deg uɣlif n usedwel/éducation nationale, akked win n temsal n ddin, d annar-nsen.

Ɣas llan ixuniyen anda nniḍen, ur sawḍen tazmert-nsen akken ad sinfen tasertit n tmurt deg ubrid-nsen.

Awal aneggaru, akken ad inger akkin i 2022 wudem n war isem n « ɣerraq », akked tsertit n usekkak n ixuniyen « sadamo-qatari », issefk ad nezzi ɣer yal tiɣri/slogan n Izzayriyen iwumi nesla di yal tikli n hirak/tanekra : « indépendance nationale ».

D win i d asalu n yiseɣ akken ad d-ittwakkes udabu si gar ifassen n ugraw « sadamo-qatari », ad d-yuɣal gar ifassen n tarwa n Lezzayer ; gar-asen wid yellan ass-a ttwarzen di leḥbas.

Aumer U Lamara

Timerna/Notes 

1) Acengu amezwaru, d tasusmi. Illa yakan wawal : «D laâr fell-awen ay At meknas, tḥedrem i laâr tessusmem ! »

 

ARTICLES SIMILAIRES

Les plus lus

Les 20 monnaies africaines les moins performantes sur la décennie 2013-2022

Vingt monnaies africaines ont connu une baisse d’au moins 50 % de leur valeur face au dollar américain sur la période 2013-2022, dont trois...

Les plus populaires

Commentaires récents