Tamurt n Lezzayer ur telli d ayla n yiwen neɣ n udrum akken ibɣu yili. Tamurt d ayla n yal Azzayri, n yal Tazzayrit.
D tagejdit ur izmir yiwen ad ikkes akkin.
Di yal tamurt n tugdut (llant uget deg umaḍal), tella talast i yal adabu ansi ur izmir ad izger akkin nebla ma twekkel-it tmurt-is.
D agraw aɣelnaw/assemblée nationale i d aqerru n tmurt di temsal timeqqranin, tid izemren ad qqnent tamurt iseggasen d iseggasen akked tmura nniḍen n umaḍal.
« Partenariat stratégique approfondi »
Asali amaynut n 15 yunyu 2023, di tiɣremt n Moscou, « Signature de la Déclaration de partenariat stratégique approfondi entre la Russie et l’Algérie » (1), d win ur igguni yiwen di tegnit n ṭṭrad illan gar Russia akked Ukrainia.
D ayen d-iɣlin am unẓad deg uskaf/ « comme un cheveu sur la soupe » !
Tuqqna akked tmurt n Russia ur illi d tin n menwala. Russia tella d aqerru n udrum-nni n Wagmuḍ/bloc de l’Est di tallit-nni n ‘’ṭṭrad asemmaḍ’’ (1944-1991). Ɣas yenger wedrum-nni si 1991, illa wayen d-iqqimen, ɣas ibeddel udem d yisem, s unekcum n China ɣer tnemmast.
Tuqqna n wass-a gar Russia d Lezzayer teffeɣ seg ubrid n tegrawla n 1954, tenker ayen yuran deg uswir n Soummam (2) : « la Révolution algérienne « n’est inféodée ni au Caire, ni à Londres, ni à Moscou, ni à Washington ».
Wid igren afus di temsalt-a ur wzinen ara i wayen d-iteddun ɣer zdat, acku tagejdit n tuqqna n tidet gar Russia d Lezzayer d timsalt n wuzzal/armement, n lminat, n ṭṭrad d wayen izdin di tussna n ṭṭrad…
Ma d ayen yuran di partenariat/usɣen-nni, d ayen d-yufraren kan afella i neẓra, d tira-nni yettwassnen di temsal timeqqranin : « Ayen meqqren idreg, d ayen ur d-nnin ».
Iban am uzal, mačči d imɣan kan i ɣef fran di Moscou : « … Le ministre de l’Agriculture et du Développement rural, Mohamed Abdelhafid Henni a, lui aussi, cosigné avec le ministre de l’Agriculture, Dmitri Patrouchev une convention intergouvernementale en matière de protection des végétaux ».
Ugur nniḍen d tagnit ur nwata.
Ur telli d tagnit i wezmal/astenyi n tuqqna di Moscou gar Russia akked Lezzayer, di lawan deg yeḥma ubarud gar Ukrainia akked Russia. Udem-is iban ur iffir, tamurt n Lezzayer tmal ɣer tmurt n Russia, teffeɣ seg ubrid-nni n tegrawla n 1954.
Amek tezmer tmurt n Lezzayer, tin iddren ur tengir nnig 2000 iseggasen ddaw uzaglu n temhersa n yal tamurt, tin iwten uzzal d ubarud nnig 7 iseggasen mgal Fransa, ad tmil ass-a ɣer tmurt n Russia ikecmen tamurt n Ukrainia s wuzzal ameqqran, deg wass n 22 furar 2022 ?
Ad ilfu yella wayen izeglen di tmuɣli n udabu ibedden ass-a di Lezzayer. Mačci d tamuɣli n uɣref azzayri.
Awal aneggaru d ayen iffren deg usɣen-a (closes secrètes), d ayen ur d-neffiɣ ɣer tafat akken ad ẓren Izzayriyen amek i ttwaqqnen aḍar afus, acku azekka ad d-tezzi tyita ɣer uqerru-nsen ; ad d-tili tuzzma.
Ayen iffren mačči d asdafel ɣef yemɣan d isennanen n Tizi n Kwilal !
Tefra, mačči d abrid n talwit i yettwanejren iḍelli di Moscou… issa s isennanen.
Aumer U Lamara
Timerna / Notes :
1) Algérie-Russie : Signature de la Déclaration de partenariat stratégique approfondi (15/06/2023).
2) la Révolution algérienne « n’est inféodée ni au Caire, ni à Londres, ni à Moscou, ni à Washington » (congrès de la Soummam, août 1956).
Le texte de la Soummam définit le futur Etat algérien comme « une République démocratique et sociale garantissant une véritable égalité entre tous les citoyens d’une même patrie, sans discrimination ».
Mes opinions politiques mises en berne, je suis d’avis que le message lancé sciemment ou … par la nomenclature au monde est à bénir de mille prières et pour cause : une alliance avec l’un des membres des plus influents du BRICS ne peut être que salutaire pour notre pays et pour la démocratie dans le monde cette dernière ne saurait éclore sous la domination d’une seule et unique voix .
Bravo pour ce déplacement qui ressemblerait à s y méprendre à un « ROQUE »