23 février 2024
spot_img
AccueilChroniqueTaḥannuţ n Si Lfuḍil

Taḥannuţ n Si Lfuḍil

Vieux kabyles

Deg Uqvu, deg seggwasen-nni n ṛevεinat, Si Lfuḍil Uεidel yekra taḥannuţ ɣef Umeqqran Teslent. Msefhamen ɣef wazel lekra i waggur.

Yal taggara n waggur, Si Lfuḍil as ifek azel n wayen akken fi msefhamen. Truḥ akken acḥal d aggur, acḥal d aseggwas. Si Lfuḍil warǧin yezggel aggur lekra. Taḥannuţ-is taεmmar mačči d kra. Yuɣal yeznnuz s ujemmal. Akken armi d yibbwas, Ameqqran Teslent yebbweḍ laεfu Rebbi.

Dɣa Si Lfuḍil, ulac i wumi ara yefek lekra. Warǧin i d-seqsa walevεeḍ di twaacult-is ɣef lekra n thannuţ, dderrya-s fɣen akkw seg Uqvu. Yal wa s andda yunnag. Si Lfuḍil yuɣal yedda di laεmmaṛ, ula d neţţa dderrya-s fɣen akk ar verra.

Yibbwas, dayen yeεya, yeɣleq taḥannuţ-ni, yuli ɣer Tizi-Lemnaε. Yessεa sin waxfiwen, yesufuɣ-iten ad kksen, diɣen ifares cwiṭ tifarkiwin-ines. Deg seggwas n tmanyin, atna ussand warew n Umeqqran Teslent ar Si Lfuḍil, nnan-as :

– A Si Lfuḍil, taḥannuţ i d-yeǧǧa vavat-neɣ, aten tɣelqeḍţ, ur txeddmeḍ ara deg-s. Tura nekkni, nevɣa a k-nesefren : a k-nnfek tlatin imelyunen a ţ-tefɣeḍ, neɣ fkkaɣ-d tlatin imelyunen ak ţ-nefeɣ!

- Advertisement -

– Uɣal-ted azekka awen d-rreɣ s lexvaṛ. Azekka-nni uɣalend, nnan-as :

– Amek ihi a Si Lfuḍil, dayen teferiḍ-ţ d ṛay-ik?

Si Lfuḍil yewwet ar lǧǧiv-is yeddmed tisura, yenna-yasen :

– Ax-ten tisura n tḥannuţ nwen a tarwa. Trezmi tkkufaṛt, ur bbwiɣ dduṛu nwen : vava warǧin yečča leḥram, iwakken nek a t-id snulfuɣ, a t-id ǧeɣ i warew-iw!

Ahmed Aït Bachir

1 COMMENTAIRE

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici