3 octobre 2022
spot_img
AccueilIdéeBu tɣeṭṭen

Bu tɣeṭṭen

S TMAZIƔT

Bu tɣeṭṭen

Yella yiwen wemdan di tmma yina Nat Mlikec, yesεa tiɣeṭṭen, u daɣen d axeddam di yiwet n tkubbanit. Tawacult-is telha-d ţɣeṭṭen-nni, neţţa d axeddam u diɣ irenu akka cwiṭ n leqṛaya deg-waxam m-ara d yaweḍ tameddit. Yibbwas isεedda yiwen lkunkur irevḥit-id.

Takkwebbanit-nni fkan-as axeddim di temdint rrnan-as axxam. Yebɣa ad yawi tawacult-is ar temdint, umaεna tiɣeṭṭen-nni usant-as-d d uggur, dɣa yibbwi-tent ar suq n Tezmalt a tent-yenzenz. Yebdded di suq ulac win i t-id isawmen. Alami qṛib ad yeffru suq, ata iεeddad yiwen wemdan, yenna-yas :

– Acḥal akka i k-fkan deg-wumaεiz agi?

– Ulac win iyi sawmen !

- Advertisement -

– Atent carrkeḍ ?

– Ak tent carrkeɣ ! Umaεna ur k-sinneɣ ara ay amddakkel !

Qimen akken ţţmeslayen, ata iεedda-d yiwen wargaz n taddart n wina, yesnit bu tɣeṭṭen-nni, yesawl-as :

– A leflani, amdan agi s ɣuṛ-wen ?

– Ih, s ɣuṛ-nneɣ !

– Atan yebɣa ad as carrkeɣ tiɣeṭṭen agi yenu, d acu ara tinniḍ ?

Winna yewhem d acu ara s-yinni, acku mmi-s n taddart-is mačči d win yeṣfan, dɣa yenna-yas :

– M-ur tent ḥwaǧǧeḍ ara carkas-tent!

Yewet Iεedda. Vu tɣeṭṭen-nni, wisen ur yefhim-ara, neɣ iεemmed, yefka-yas tiɣeṭṭen-nni d acrik awi-d kan a sent yegg leqqṛaṛ i wakken a d-iṛuḥ ar temdint.

Yezzi-d usggwas, iṛuḥ yesefqed i wecrik-is. Yebbweḍ ar taddart i steqqsa fell-as, nnan-as atan di lqahwa. Yekcem ar lqahwa yufat yeţurrar duminu. Yesawel-as :

– A leflani, ma ulac uɣilif yya-d a nemmḥaseb ɣef tɣeṭṭen akken ik d-currkeɣ.

– Wa tiɣeṭṭen-ik tewtit-ent ţarka !

– Amek akka tewtit-ent ţarka, ass-mi ik t-id fkiɣ ṣaḥant ḍḥant !

Ṛuḥ-en akken deg-wawal ar wayeḍ, dɣa ata ikeccmed winna yellan gar-asen di suq, yesawel-as :

– A leflani yak tḥedṛeḍ ass-nni di suq mi s d-fkkiɣ tiɣeṭṭen-iw i wemdan-agi, yak lant ṣeḥant ḍḥant?

– Ih, yella wannect-a!

– Atan tura ijuva-yid, ara k-yeqqar tewt-it-tent ţarka!

– D acu i k-nniɣ ass-nni ay amddakkel?

Yeqim ara yeţxmim d acu i s d-yenna, ata yemmekt-ad, yenna-yas :

– Tenniḍ-iyi ma d-aggela ur tenthwaǧeḍ ara carkas-tent.

– Atan ihi ay amdakkel tefɣeḍ ar wawal-iw!

Auteur
Ahmed Aït Bachir

 




ARTICLES SIMILAIRES

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Les plus lus

OSRA : lettre ouverte à M. le président de la République

Nous nous permettons de nous adresser à vous pour vous faire part des positions de l’Organisation Syndicale des Retraités (OSRA) à qui le ministre...

Les plus populaires

Commentaires récents