2 octobre 2022
spot_img
AccueilSociétéDda Abdennour Ali Yaḥia : 75 iseggasen n  umennuɣ ɣef tmurt-is

Dda Abdennour Ali Yaḥia : 75 iseggasen n  umennuɣ ɣef tmurt-is

S TMAZIƔT

Dda Abdennour Ali Yaḥia : 75 iseggasen n  umennuɣ ɣef tmurt-is

Tameddurt n Dda Abdennur n At li U Yaḥya tettwassen : d tameddurt n yiseɣ d usirem, d azamul ameqqran i lǧil d-ikkren, i win d-iteddun.

Dda Abdennur illa d ameɣnas n ukabar n PPA deffir 1945, mi tella tmurt ddaw uzaglu n Fransa, syin tudert-is d asaru deg ubrid n tlelli, deg umussu n FLN armi tefra di 1962, di tnekra n FFS mgal adabu n Ben Bella, syin ikcem tallit adabu d-ilulen si 1965 deg ubrid i yumen di lfayda n tmurt-is. 

Maca, ur iqqim deg-s, asmi yefhem d adabu-nni yellan di 1962 i yellan imir, iffeɣ-d d azedgan.

Dda Abdennur illa d agrawliw n tmurt-is. 

Mi d-iffeɣ d amastan/abugaṭu deffir 1970, idda d agrawliw n izerfan n umdan di tmurt-is armi d ass aneggaru, akken tamurt ad taɣ abrid n izerfan, n tugdut, ad tili d tamurt-nni urgan imeɣnasen am netta i yekkren di 1954. Adabu n at ukakskiḍ irra-yas lxir, issekcem-it ɣer lḥebs n Berwagiyya !

- Advertisement -

I netta, amennuɣ ɣef timunent/indépendance akked win n izerfan n umdan d yiwen.

Ass-a, tameddurt n Dda Abdennur d aɣerbaz ameqqran anda zemren ad d-agmen tamussni akk wid/tid issarmen ayen ilhan i tmurt-nsen.

Asalu n izerfan i yenjer Dda Abdennur akked imeɣnasen nniḍen, ass-a yessahrew, ifka imɣi di tmurt n Lezzayer, si Wehran ar Annaba, si Lezzayer ar Tamenɣest.

Dda Abdennur ad iqqim deg umezruy, d yiwen gar wid-nni i yaɣ-immalen abrid, ad iqqim deg wakal amaziɣ d yiwen « ɣas ulac-it, illa ! ».

Auteur
Aumer U Lamara, écrivain

 




ARTICLES SIMILAIRES

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Les plus lus

Législatives en Italie : le parti d’extrême droite de Meloni en tête

Selon un sondage sortie des urnes, Fratelli d'Italia, le parti de la postfasciste Giorgia Meloni, est le premier parti de la Botte, avec un...

Les plus populaires

Commentaires récents