22 février 2024
spot_img
AccueilPolitiqueDi Larbâa n At Iraten : Abane Ramdane d Djamal Bensmaïl, yiwen usekkak ?

Di Larbâa n At Iraten : Abane Ramdane d Djamal Bensmaïl, yiwen usekkak ?

Abane Ramdane
Abane Ramdane assassiné par ses « frères » d’armes.

Ass n 27 dujamber/disamber 1957, ifesyanen n FLN nɣan Abane Ramdane (1) di temdint n Tetouan/Taṭṭiwin, di Merruk. Wid i t-inɣan llan din, ttwassnen :  Abdelhafid Boussouf, Krim Belkacem, Mahmoud Cherif. (Bentobbal ur illi di Tetouan, maca iger afus acku yegzi/yeẓra) (2). Ass-a, ulac ayen iffren, ẓran akk Izzayriyen amek tella twaɣit-nni.

Ass n 29 di Maggu 1958, FLN yura-d deg uɣmis El Moudjahid : « Abane Ramdane est mort au champ d’honneur », zun immut deg imenɣi mgal iserdasen n Fransa. D asekkak ameqqran amezwaru i yeldin tabburt i tlufa d-irnan si 1962 ar ass-a.

Ass n 11 ɣect 2021, Djamal Bensmaïl nɣan-t deg ufurgu n temsulta di tnemmast n Larbâa  At Iraten, sbabben-as zun d netta i yeskaren timest i tmurt (3). Wid t-inɣan d wid i t-id-iṭṭfen, neɣ skecmen-as ɣer ufurgu yiwen seg wid icexnen fell-as akken ad t-ineɣ.

Mi t-nɣan, suffɣen-t-id ɣer berra (d azuɣer i d-zuɣren tafekka-s tasemmaṭ), syin fkan-t i yelmeẓyen yeḥman akken ad d-rren ttar n tmurt-nsen i tečča tmest. Llan inigan di yal tama, am wid illan din, am wid iẓran tadyant di internet. Mačči yiwet video i yellan d tanagit.

Ass-a, adabu n Lezzayer (s ufus n teɣdemt ‘’n tilifu’’) isbabb tamettant n Djamal i yemdanen illan din. Di tɣimit n 23 tuber 2023, fran s tmettant (condamnations à mort) ɣef 38 n yemdanen, iwumi sbabben tamettant n Djamal Bensamïl zun d nutni i t-inɣan, am wid i tuɣ din, am wid ur nelli deg umkan-nni.

  • Amek zemren yemdanen ad nɣen win illan immut yakan ?

- Advertisement -

D asekkak ameqqran am tedyant n lmut n  Abane Ramdan di Tetouan, di 1957.

ɣas timsal n 1957 akked 20121 mgaradent, ad nger yiwet tiɣri : yiwen ufus i ten-inɣan ?

ɣas mačči yiwen ufus, d yiwet tsertit i ten-inɣan, acku i sin tḥuza-ten ‘’tmettant tasertant’’ (meurtre politique) : Abane Ramdane nɣan-t akken ad t-kksen ‘’les colonels’’ d ugur zdat-nsen, Djamal Bensmaïl akken ad snekren timest tameqqrant di temnaṭ n Larbâa  At Iraten, deffir tmest iččan tuddar d tferkiwin. Akken daɣ ad rẓen isem n tnekra/hirak ittenfufuden mgal adabu.

D tiḥila i nessen yakan ; di 1980, di tefsut Imaziɣen ibeddlen udem i tmurt, FLN illa yettberriḥ di lqasmat-is, s wawal usekkak : ‘’serɣen leqran akked tâallamt n Lezzayer di Tizi Ouzou ».

D asekkak ur yumin yiwen di yal tama n tmurt n Lezzayer.

Azekka, ad d-teffeɣ tidet n wayen iḍran di Larbâa At Iraten ass n 11/08/2023 am akken d-teffeɣ tidet n wayen iḍran di Tetouan ass n 27/12/1957.

Wid illan ass-a di leḥbas ad d-ffɣen ɣer twaculin-nsen d izedganen.

Wid i sen-tt-ixerzen, ad d-ffɣen yismawen-nsen, ad ttwacudden, akken bɣun ilin, d amezzarfu/juge, d sarǧan neɣ d jiniral, ad qablen taɣdemt n yiseɣ ara d-ilalen azekka.

Maca, ur iẓri yiwen ansi ara d-ilal uḥemmal-nni…

Aumer U Lamara

Timerna / Notes :

  1. Abane Ramdane est né le 10 juin 1920 au village Iaâzzuzen, Fort-National / Larbâa n At Iraten, dans la wilaya de Tizi Ouzou, et mort assassiné par les colonels le 27 décembre 1957 à Tétouan au Maroc, est un militant politique et révolutionnaire algérien, ayant joué un rôle clé dans l’organisation de la lutte indépendantiste lors de la guerre de Libération nationale.

Voir : https://fr.wikipedia.org/wiki/Abane_Ramdane

  1. Voir le livre : Vérités sans tabous, l’assassinat d’Abane Ramdane, Qui ? Comment ? Pouquoi ? Et Après ? Belaïd Abane, édition dar El Othmania, Alger 2017.
  2. Djamel Bensmaïl est né le 23 février 1985 à Miliana, wilaya d’Aïn Defla, est un musicien, artiste peintre et militant du Hirak algérien. Il est également connu dans sa ville pour son engagement dans de nombreuses causes humanitaires. Le meurtre de Djamel Bensmaïl est survenu le 11 août 2021 à Larbaâ n At Iraten, wilaya de Tizi Ouzou, dans le fourgon de police, puis son corps lynché par une foule déchaînée, qui l’accusait à tort d’être l’auteur d’incendies criminels dans la région.

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici