Awal n Saïed Kaïs (1), aselway n Tunes, isker aferfud deg umaḍal, kra wussan kan, ibeddel wawal. Maca, awal-is yerza-yaɣ nekkni.

Acu yenna  Saïed Kaïs ɣef imnejlan n tmura n Tefrikt i yerran Tunes d abrid-nsen deg yinig ɣer tmura n Urupa ?

Inna-yas deg unejmaâ n Conseil de sécurité nationale n 21/02/2023 , am akken i d-iffeɣ wawal deg yeɣmisen :

« Issefks tamurt n Tunes ad teg afrag, ad terr akkin imnejlan i d-inneɣlen si tmura n Tefrikt taberkant ; d wid d-iglan s yal tawaɣit n takerḍa, n timenɣiwt akked wayen ur nqebbel. Ayen i d-ibanen, mačči d inig n menwala, d tasuddest/stratégie i d-ilulen si berra akken taggara ad tbeddel aẓar tmurt n Tunes, ad tedwel d tamurt tiferkit kan, syen ad imḥu deg-s uẓar-is i yebnan ɣef taârabt-tinneslemt…».

Awal n Kaïs Saïed izgel znat tikkal.

Tamezwarut, iminigen n Tefrikt, d laẓ i ten-id-iwwin ɣer Tunes, Libya, Lezzayer d Merruk… acku d win i d abrid akken ad zegren aman ɣer tmura n Urupa, anda i sarmen ad afen aɣrum-nsen. Ur d-usin akken ad aɣen aẓar di tmurt, neɣ ad ḥekmen tamurt.

Inig ɣef uɣrum, mačči d ayen d-innulfan. Tamurt n Tmazɣa d yiwet si tmura n iminigen ɣer tmura anda i yella weɣrum (Urupa, Marikan…). Di tmurt n Tunes, gan-asen isem i yiminigen-nsen, ɣaren-asen ‘’imezgaren’’, wid izegren aman (illel) akken ad d-ssisen aɣrum-nsen. Isem-nni yekcem ɣer  darǧa : mzagra, neɣ lemzagra.

Ass-a di tmurt n Tunes, ur telli kra n tsuddest/stratégie akken ad ibeddel uẓar n tmurt. Iminigen illan din ggunin yal ass ad asen-d teldi tebburt, ad rekben deg uɣerrabu ara ten-yawin ɣer Ṭelyan.

Tamsalt issen-itt Kaïs Saïed, maca d urar n tsertit akken ad d-iffeɣ si yir tagnit deg yella : ad d-isnulfu acengu n berra akken ad issiged Itunsiyen s ‘’grand remplacement’’, taggara ad srekden iman-nsen, netta ad iqqim d aselway.

Awal n Kaïs Saïed iffeɣ, ur ittuɣal wawal ɣer yimi, ɣas irna-d netta awal, « Je suis Africain et je suis fier de l’être ».

Deffir wawal-is netta, taneɣlaft tamezwarut terna-d : « La Tunisie est profondément africaine et elle en est fière. Les Africains sont nos sœurs et frères et la Tunisie a appelé à diverses occasions à une « Afrique aux Africains ». …. ».

Tunes d tamurt tamaziɣt, mačči d taârabt-tinneslemt.

Tis snat, Mass Kaïs Saïed icceḍ yir tuccḍa, acku ur issin amezruy n tmurt-is, terna-yas tidderɣelt n tsertit n taârabt-tinneslemt.

Nnig 30 leqrun, amezruy n Tunes d amezruy n Imaziɣen, d tamurt n Masnsen, n Makawsen, n Yugerten. Ddin ineslem ur ibeddel aẓar n tmurt.

Asexreb n Kaïs Saïed akken kan ad iwwet ad issezri ‘’grand remplacement’’ n taârabt-tinneslemt, zun tefra temsalt (fait accompli), Tunes tamaziɣt attan tbeddel aẓar, tbeddel idles, tedwel d taârabt-tinneslemt.

D urar-nni i yurar  iḍelli Ahmed Taleb Ibrahimi di Lezzayer (les Berbères arabisés par l’islam), akked akk imeɣnasen n taârabt-tinneslemt.

Ma yella Kaïs Saïed d afriki, issefk ad d-yini d acu-t netta, anwa i d aẓar-is. D tassusmi-nni i d ugur ameqqran. Tidderɣelt n taârabt-tinneslemt akked tikerkas n tsertit (lbankat n Qatar, n Emirates…), ur as-gin ad d-yini : « nek d Amaziɣ ».

Ɣas berrḥen s wawal n Masnsen, « Tafrikt i tarwa n Tefrikt » (l’Afrique aux Africains), deg ulɣu-nsen, ulac isem n Masnsen. Azekka zemren i laâr, ad d-snulfun yiwen « Massinissa arabo-islamique’’.

Tamsalt n Tunes (‘’grand remplacement arabo-islamique), tella di yal adabu n tmura n Tamazɣa. Ar ass-a, yiwen udabu ur ikkis tabarda n taârabt-tinneslemt, ɣas teddun yal ass deg wurar n usekkak s ‘’tamaziɣt tutlayt tunsibt’’. D tasertit n tḥila akken ad segnen tamurt… ar asmi ara negren Imaziɣen !

« Win ur nekmiz i yiman-is, ur as-ikemmez yiwen », akka i yella ; d Imaziɣen kan ara yekksen akkin di tmurt-nsen « grand remplacement n taârabt-tinneslemt », Ad tuɣal tmurt ɣur imawlan-is.

Aumer U Lamara

Timerna / Notes :

1) Kaïs Saied s’exprimait lors d’une réunion du Conseil de sécurité nationale « consacrée aux mesures urgentes qui doivent être prises pour faire face à l’arrivée en Tunisie d’un grand nombre de migrants clandestins en provenance d’Afrique subsaharienne », selon un communiqué de la présidence

Le chef de l’Etat a soutenu que cette immigration clandestine relevait d’une « entreprise criminelle ourdie à l’orée de ce siècle pour changer la composition démographique de la Tunisie », afin qu’elle soit considérée comme un pays « africain seulement » et estomper son caractère « arabo-musulman ». Kaïs Saied a prôné mardi des « mesures urgentes », affirmant que leur présence était source de « violence, de crimes et d’actes inacceptables ».

En Tunisie, le président Kaïs Saïed a suscité une large polémique lorsqu’il a appelé à l’arrêt de ce qu’il a qualifié de « complot criminel » pour l’installation d’immigrants africains dans son pays, affirmant que leur objectif était de modifier sa composition démographique en tant que « pays arabe et musulman« .

Le mardi 21 février 2023 au soir, le communiqué du président de la République reprend à son compte cette rhétorique. Il y est question d’un « plan criminel préparé depuis le début de ce siècle afin de changer la composition démographique de la Tunisie ».

Rétropédalage :

« Je suis Africain et je suis fier de l’être », a-t-il encore dit après ces propos condamnables.

« La Tunisie est profondément africaine et elle en est fière. Les Africains sont nos sœurs et frères et la Tunisie a appelé à diverses occasions à une « Afrique aux Africains ». …. ».

Site officiel du premier ministre : http://www.pm.gov.tn/pm/actualites/actualite.php?lang=fr&id=14029

Tunisie : des ONG dénoncent les propos racistes du président