. Mi tefra lgirra n 1954/1962, yufa-d iman-is ikkaw : taḥanut d tilemt, ihri (capital, raselmal) yenger. Idrimen-is akk ffɣen, ur illi usurdi swayes ara d-iqḍu akken ad d-iaâmmer taḥanut-is, akken ad tt-ildi. Maca yella aṭas n ukridi (asmad) ɣer medden.){kind=link}
Illa yiwen di tmurt d tajer (d akumirsi). Mi tefra lgirra n 1954/1962, yufa-d iman-is ikkaw : taḥanut d tilemt, ihri (capital, raselmal) yenger. Idrimen-is akk ffɣen, ur illi usurdi swayes ara d-iqḍu akken ad d-iaâmmer taḥanut-is, akken ad tt-ildi. Maca yella aṭas n ukridi (asmad) ɣer medden.
Iqqim akked warraw-is deg uxxam, ɣer yiri ukanun, ttxemmimen amek ara aâmmren taḥanut-nni. Awal itezzi irennu, taggara nnan-as i babat-nsen :
– A baba ! Yak nesaâ akridi ɣer medden ?
– Ih , illa a tarwa, irnu aṭas !
– Ihi, mi llan yedrimen din, efk-aɣ-d azmam-nni, ad neffeɣ, ad nessuter i wid iwumi nettalas. Mi yaɣ-d-rran ayla-nneɣ, ad d-naâmmer taḥanut-nneɣ !
Ikker urgaz, inuda-d azmam-nni anda i yella yeffer, ifka-yasen-t. Kkren warraw-is, gan leḥsab, ufan-d llan 700000 frank n zik. Di tallit-nni, d idrimen imeqqqranen, ad d-ččaren taḥanut, ad d-ggrin yedrimen.
Mi ssulin akk leḥsab-nni, fran, inna-yasen babat-nsen :
– Erret-iyi-d tura akarni-nni, di laânaya-nwen !
Nutni rran-as azmam, netta yeṭṭef-it deg ufus-is, iqqim issusem, syin ibra-yas ɣer ukanun, tekker deg-s tmest.
Wehmen warraw-is, susmen kan, ur fhimen acu i t-yuɣen. Qqimen ggunin awal sɣur babat-nsen, netta yenna-yasen :
– Di laânaya-nwen, ma ur yi-d-tennim, anwa udem ara iqablen yiwen illan ihudd uxxam-s, ixla d ixerban, tayeḍ nɣan-as laâsker argaz-is, yiwet nniḍen nɣan-as arraw-is, nekkni ad as-nini ass-a, xelles-aɣ-d azal n uqaleb n sabun, tapakit n lqahwa, neɣ tacekkart n uwren ?
Arraw-is slan-as, susmen-kan, ggunin ad d-ifak awal-is, netta yerna-yasen,
– Ihi a tarwa ! Cfut ɣef wawal i yaɣ d-ǧǧan imezwura : « Tirrugza d cfawa, sber d sεaya »…
Ahmed Aït Bachir
Comme dirait peut-être Hend Uqaci, tout ça c’était avant, avant qu’on ne montent dans le train, le train à 3addi bien-sûr.
Et Voilà un poème inspiré de si Moh oumhand que j’ai un peu trituré.
L’qern agui yesrhav
Ig’ravhen dh’leklab
Tharzzem atharwa lahlal
S’lmahna’nsen aynchav
Dh’rrayiw ighav
S’mmaniyi medden al’marwi
Avrigh ikrra net’mani
Iwgrad kkan s’varr at’susmi
Immi dhaydhi muhav