8 décembre 2022
spot_img
Accueil360°Taqsit ugawa-nni

Taqsit ugawa-nni

Yella yiwen Ugawa, seg-wasmi yezweǧ ur yeţemmsefham neţţa d imawlen-is. Yibbwas tenna-yas tmeṭṭut-is : « Kker fell-ak a nnṛuḥ a nezdeɣ ɣer imawlan-iw deg At Ɛebbas, dina ulac win neɣ tin ara icennfen fell-aɣ. »

Yuɣ-as awal i tmeṭṭut-is, yibbwas yekkr-ed asardun εebban lqec–nnsen ṭṭfen avrid. Qimen deg At Ɛebbas, agawa yufa-d cwiṭ n uxeddim, yeţidir gar iḍulan-is, dayen tefra. Di taddart-nni, yella yiwen umdan sawalen-as Da Ɛacur, yessεa cci.

Di taddart, wa yeţţqaddar-it wa yeţţaggwad-it, wa ireggwel-fell-as. M-ara yeqim di tejmaεt, yesfenṭij, yeţţmeslay s zux.

Yibbwas, di tejmaεt am zik-is, yeţţebbεenṭir, ivaren di claɣem-is yeţţmeslay, kra yella kra yerna. Agawa-nni yella dina, ur t-yaεǧiv ara lḥal, dɣa yenṭeq ar ɣur-s, yenna-yas : « Ayen akka yakk i d-nniḍ a Da Ɛacur, d imeslayen n zux! » Yerra-yas-d Da Ɛacur, yenna-yas : « S tideţ ay Agawa, imeslayen agi i d-nniḍ garzen! Umaεna, limmer t n-id nniḍ di taddart-ik deg Gawawen! »

Azekka-ni, yenna-yas Ugawa i tmeṭṭut-is : « Jmaε lqec-im a tameṭṭut a nuɣal ɣer Igawawen! Menyif acennef gar imawlan-iw, wala ţţbehdayel di tejmaεt n taddart n idulan-iw! ».

- Advertisement -

Ahmed Aït Bachir

ARTICLES SIMILAIRES

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Les plus lus

Allemagne : un projet de putsch de l’extrême droite déjoué

La radicalisation de l’extrême droite allemande n’est pas nouvelle mais l’opération sans précédent menée en Allemagne le mercredi 7 décembre au matin contre un groupe...

Les plus populaires

Commentaires récents