7 octobre 2022
spot_img
AccueilPolitiqueTimes n Marioupol, d times n At Mimun !

Times n Marioupol, d times n At Mimun !

Kabylie en feu

Ass-a, tamuɣli n umaḍal terra ɣer tmurt n Ukrainia anda yekker nnger n tmes d lbumbat s ufus n tmurt n Rrus. D ṭṭrad ameqqran ur nufi tifrat, taggara ur iẓri yiwen anda i yezmer ad issiweḍ. 

Tamsalt tefra : si yiwet tama d Russia ikecmen tamurt n Ukrainia, si tama nniḍen d tarwa n ukrainia i yekkren akken ad mmten ɣef tlelli n tmurt-nsen. Ulac win i yeɣren i tmurt n Russia akken ad d-tas d tamḥaddit, ad tesdafel ɣef tmurt n Ukrainia. Poutine isnulfa-d azref amaynut, « droit d’ingérence pour présemption de nazisme » ; d tikerkas ur yumin yiwen deg umaḍal.

Teffeɣ-asen tirga mxalfa. Russia-nni i yessarmen ad tessenger adabu akked iserdasen n Ukrainia deg yiwet smana, ass-a tuɣal ɣer deffir zdat tezmert n Ukrainia. Nnig waggur n ṭṭrad,  ur ṭṭifen tamurt, ur rẓin adabu n Kieve ; tamurt n Ukrainia tbedd, tettnaɣ yal ass ɣef tlisa-s.

Mačči yiwet temsirt i nezmer ad d-nessifrir si ṭṭrad n Ukrainia :

  1. Ayen illan di Poutine ass-a iban-d : Poutine mačči d Cesar i yas-innan « Veni, vidi, vici » (usiɣ-d, ẓriɣ, nnuɣeɣ), si mi yessenger icenga-s deg imenɣi ameqqran (1). Ass-a, iserdasen n Russia ttuɣalen ɣer deffir zdat tezmert n Ukrainia.
- Advertisement -

Teḍra d tmurt n Russia am « win iffɣen ad innaɣ, ittewt-d, syin irwel ad iffer ddaw yesni di tegrurt ».

Tadyant-a, illa deg-s usirem azekka ad tbeddel ɣef uɣref n Russia, ad iɣli udabu n Poutine akked ibandiyen-is (‘’les oligarques’’), ad tifrir tugdut ɣef Russia.

  1. Poutine ur ilmid ayen ilhan deg umezruy n umaḍal ; netta yuɣ abrid n Saddam Hussein asmi yerẓa tilisa n tmurt n Koweit di 1990 ; yerna yuɣ abrid n USA asmi kecmen tamurt n Irak di 2003 (2). Poutine inwa yezmer ad yaweḍ anda i tessaweḍ tezmert-is. Maca, illa wezref n tlisa n yal tamurt, mačči d aberrez kan iɣef tebna.

Deg umezruy atrar, illa yiwen umedya yelhan di temsalt n « droit d’ingérence positif», d asmi tekcem tmurt n Vietnam ɣer tmurt n Cambodge akken ad terẓ adabu n ‘’Khmer rouges’’ (Khmer Izeggaɣen), wid-nni yesnegren azal n 2 imelyunun n watmaten-nsen gar 1975 d 1979 (3). Mi kksen ugur n ukabar n Khmer Izeggaɣen, cudden ccifan-nsen ɣer lḥebs, uɣalen ɣer tmurt-nsen. D iseɣ kan i rnan i Vietnam nsen.

  1. Tadyant n Poutine di Ukrainia teteddu ad d-tesseɣli laẓ ameqqran ɣef tmura n wanzul, acku Russia akked Ukrainia d imezwura i yeznuzun irden deg umaḍal.

Simmal irennu wazal n ṭun n yirden, azekka ad issiɣ laẓ di tmura n Maser, Ethiopia, Lezzayer akked tmura n Tferka. Zun aṭan n ṭṭrad n Poutine iffeɣ si tlisa n Ukrainia, yessaɣ i umaḍal.

Mačči d ayen illan d amaynut. Tamurt n URSS di 1975 tesseɣli-d laẓ di tmura ur nezmir ad d-aɣent irden. Mačči d ṭṭrad i d tamentilt/tasebbiwt-is. D tasertit n URSS, asmi kkren akken awḍen anda tessaweḍ tmurt n Marikan neɣ ugar (= défi de dépasser le niveau de vie des USA) : ad teččen Irusiyen aksum s tawat, ad agaren imezdaɣ n Marikan. 

Deg usalu-nni, adabu n Russia yuɣ akk ayen illan d irden di ssuq n umaḍal, akken ad seččen izgaren di lefwarem n URSS, ad ṣunen akken ad d-fken aksum. Di kra n wagguren, azal n ṭun n yirden iwweḍ igenni. Ethiopia akked tmura nniḍen ur nezmir ad xellsent, qqiment i laẓ !

L’internationale prolétarienne / tagraɣlant n yemɣiden tuɣal d « tagraɣlant n laẓ » !

  1. Tamsirt taneggarut,  d taɣuri i tmurt n Lezzayer, d times n Marioupol, d times ikkren di yal taddart, am At Mimun am tiyaḍ…

Wid ittaken lbumbat akked times di tmurt n Ukrainia s imisilen akked yemruden/canons, snegren timdinin icban Marioupol ; azekka ad ttwarzen, ad qablen azref n tmura n umaḍal (TPI/Tribunal Pénal International). Ulac smaḥ, ulac tatut. 

D abrid-nni i yeggunin wid i yesnekren times di tmurt n Leqbayel di ɣect 2021. ɣas ass-a adabu iwwet nneḥ, zun kra ur iḍri, tamsalt ur tefri, ur tferru s tatut. 

Yal win igren afus di twaɣit-nni, azekka ad d-ibin, ad ixelles. Ulac tatut, ulac ‘’prescription’’. Ɣas tiḥila gtent, ass-a ẓran akk medden ayen illan, ur ittwakellax yiwen, ɣas ad awin azgen n Izzayriyen ɣer leḥbas, ɣas ad rnun aserkem n Polisario…

Awal inna-t yakan umedyaz : « Widak i yettḍebbiṛen snulfan-iyi-d iɛdawen » (Lewnis  At Mangellet).

Aumer U Lamara

Timerna / Notes :

1) Veni, vidi, vici est une célèbre expression employée par Jules César en 47 av. J-C. Elle peut être traduite en français par « je suis venu, j’ai vu, j’ai vaincu »/  « usiɣ-d, ẓriɣ s tiṭ-iw, nnuɣeɣ ». Par son laconisme typiquement latin, cette phrase devint célèbre pour désigner tout succès rapide et éclatant. (wikipédia)

2) La guerre d’Irak, l’invasion de l’Irak ou seconde guerre du Golfe commence officiellement le 20 mars 2003 avec l’invasion de l’Irak par la coalition menée par les États-Unis contre le Parti Baas de Saddam Hussein. L’invasion a conduit à la défaite rapide de l’armée irakienne, à l’arrestation et à l’exécution de Saddam Hussein ainsi qu’à la mise en place d’un nouveau gouvernement.

3) Après trois ans et demi au pouvoir durant lesquels près de 2 millions de Cambodgiens périrent, les Khmers rouges sont renversés en 1979 par l’Armée populaire vietnamienne qui pénètre dans Phnom Penh. Elle est repartie aussitôt la paix civile rétablie.

 

ARTICLES SIMILAIRES

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Les plus lus

Elections au Québec : la victoire écrasante de la CAQ divise la province

La nuit du 3 octobre n’a pas été longue pour annoncer le vainqueur. Dès les premières minutes des opérations de dépouillement des urnes, les...

Les plus populaires

Commentaires récents