26 C
Alger
mercredi 9 juillet 2025
AccueilIdéesWid yeznuzun adrum s weɣrum

Wid yeznuzun adrum s weɣrum

Date :

Dans la même catégorie

Juges nommés versus juges élus

Lorsque vous détruisez un édifice ancien, chaque pierre contient...

Le RCD et le PT s’insurgent contre l’acharnement judiciaire visant Belabbas et Saïdi

La répression judiciaire et politique franchit un nouveau cap...

Les flammes encerclent Marseille : confinement et aéroport fermé

Ce mardi 8 juillet, un incendie d’une rare...

L’anglais promu, le français stigmatisé : El Khabar et le piège de l’unilinguisme militant

L’introduction de l’anglais dans le cycle primaire en Algérie,...

Sublimer l’abîme, tisser l’espoir : la voix incandescente de Wafa Ghorbel

Dans cet entretien exclusif avec Le Matin d’Algérie, Wafa...
spot_imgspot_img
- Advertisement -
Pauvreté
Image par Frantisek Krejci de Pixabay

Imdanen yecban azrem, i iteddun ala ɣef uɛebbuḍ llan seg wasmi i d tekker yemma-s n ddunit.  Wid yeznuzun adrum s weɣrum llan, mazal ad ilin. Mačči ɣef wedlis n lmasiḥ ara d awiɣ deg umagrad-a, awal-iw ɣef yir ṣṣekka. Akka i tga ddunit, yak ǧǧan-t-id Leqbayel, ulac tirect ur nesɛi akerfa.

Bu sin iḍarren akka i yemmug, ulac am netta di txidas neɣ di lewqam. Ur yelli i d yennulfan akka tura! Akka i tella akka ara tkemmel. Maca nezmer ad d nini yella cwiṭ n wemgired, gar zik d tura. Zik tqeɛɛed tteɛbiya n temsal n ddunit, xemsin xemsin i ččurent ccwari. Ulac lmil gar tecwirt n yergazen n yiseɣ d tecwirt n wid ur ten-newwiḍ, wid ɣef iregglen medden, wid ur nettsetḥi d wid yerran lɛer d taqbaylit.  Qqaren-d deg yiwen zzman lmil yerra nezzeh ar tama n yergazen n yiseɣ. I wass-a?

Iɣilasen yefkan rray i wuccen

Ass-a, timetti ɣef i tedliḍ ad tafeḍ bu sin iḍarren d aqeddac, d aqezzab, d axeddaɛ ibeddlen adrum s weɣerum,  anda teddiḍ ad tafeḍ acekkam yerra tili, tefkaya-s-d ddunit! Llan di yal amkan, ama di Brizil neɣ di Maṣer, di Faleṣtin neɣ di Kuṛsika, di Tferka n weNẓul neɣ di tin Ugafa… ma d bu yiseɣ anda terriḍ yeffeɣ-it rray. Zerriɛa icekkamen, iqezzaben tuɣ, teddeṛdeṛ turew tefka-d iguma.

Llan kra acekkem yuɣ deg-sen, d ccetla. Ma nebda-tt-id seg tallit Iṭerkiyen ar da ad naf d ccetla-nsen i yettkemmilen asqizzeb ass-a, ixuṣ-asen kan ad sɛun isem n Bacaɣa! Win ibɣun iḥkem ad ttazzalen ar ɣur-s akken a s-knun, a s-sqizben, a s-ttawin tixbirin… Melmi  i d a sen-yefka ttesriḥ weḥkim ad ffɣen ad ssuzuren deg taɣect-nsen ad reggmen deg watmaten-nsen i yebɣan a ten-id kksen si ddel.

I kečč a Yugurten d yemdukkal-ik yeččuren leḥbus

Ass-a tmetti-nneɣ ssaweḍen-tt almi s anda yella kra n wergaz n yiseɣ snulfan-as-d tacrurt, rran-t d amcum,  s kra n wembaṣi yellan rran-t d lmezwer n taddart…! Ihuh, neqqel mačči d nekni! Ugaɣ nefka mayna,  neɣ ahat nekna-yas kan ar d tɛeddi, ur nettɛeṭṭil ara ad d nuɣal d nekni, am wakken nella d izmawen, d ilelliyen.

Tugi a sen-tekcem tikti, i iqezzaben d yixeddaɛen, dakken s kra yellan yettfakka, d lḥif neɣ d tawant. S kra yettwabnan ula s tiɛṛestin n wuzzal yewweḍ-d wass yečča-t wakal. Tiɣermiwin negrent, timura retment, tutlayin mmutent…. i d yettɣamayen ala ayen i d yeǧǧa wergaz n yiseɣ, am tirrugza d tmussni. Walit, deg umezruy d yedles n yegduden merra yeqqim-d ala bab n wawal, n yiɣil d win yefkan iziɣer-is ɣef tmetti-s d talsa s umata. Ma d win akken yecban azrem, iteddun ɣef uɛebbuḍ-is, yezzenzen gma-s akked weltma-s, ttsetḥin a t-id addren medden. Yal wa yeqqar-as mačči nneɣ!

Isṛayil d Falasṭin, gar talwit d usenger

Ayen yerzan amezruy-nneɣ ɣas d imawi maca yella i d yeqqimen, mazal ara d yeqqimen. Walit kan, anwa yesɛan azal d Buxuṣ neɣ d Yugurten? D Bacaɣa Benɛli Crif neɣ d Ccix Aḥeddad? D Waɛli Benɛi d tarbaɛt-is neɣ d wid i sen-igezmen aqerruy? D Urabeḥ neɣ d Umira? D Mulud Mɛemri neɣ d Kamal Belqasem?

Aql-aɣ deg-s ass-a, Dda Lmulud Mɛemri isem-is yettwabdar-d yal ass ama di tmussni neɣ di lxir akked wayen yezreɛ di tmetti. Tasdawit yewwin isem-is s zzux yal ass tesnernay di ccan-is. Ma d Kamal Belqasem-nni i d yestufan i rregmat d useglef di tefsut n tmanyin… di taggara-s ireggem deg yiman-is, yemmut yettwamḍel d awḥid di Spanya,yecba Tawrirt yettwattun!  Aya merra d tamsirt i wid d tid yewwin abrid-is.

Di yal timetti yella waya, dakken tella tirruxsa i yella yiseɣ. Asegmi n warrac yella-d i wakka. Imdanen merra teddun ttweṣṣin ɣef tirrugza. Yal tawacult tebɣa ad d tesɛu izem neɣ tasedda, win neɣ tin ara yekksen lḥif ɣef medden. Yiwen ur iḥemmel acekkam, aqezzab, aqeddac, aḥeqqar, win yeznuzun deg wayetma-s.

Timetti taqbaylit ilaq a sen-tefk isem ilaqen i yemcumen-a. Leqbayel mazal ḥedqen, semman-asen akerfa, iḥerkiyen… ihi iwwi-d fell-aɣ ad nerḍel ismawen n tmettiyin nniḍen am iḍumman n talsa, tazulixt, la peste.

Farid Benmokhtar

Dans la même catégorie

Juges nommés versus juges élus

Lorsque vous détruisez un édifice ancien, chaque pierre contient...

Le RCD et le PT s’insurgent contre l’acharnement judiciaire visant Belabbas et Saïdi

La répression judiciaire et politique franchit un nouveau cap...

Les flammes encerclent Marseille : confinement et aéroport fermé

Ce mardi 8 juillet, un incendie d’une rare...

L’anglais promu, le français stigmatisé : El Khabar et le piège de l’unilinguisme militant

L’introduction de l’anglais dans le cycle primaire en Algérie,...

Sublimer l’abîme, tisser l’espoir : la voix incandescente de Wafa Ghorbel

Dans cet entretien exclusif avec Le Matin d’Algérie, Wafa...

Dernières actualités

spot_img

1 COMMENTAIRE

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici