Ḥekkun-d imezwura ɣef zman n zik, ɣef tudrin tiqbayliyin, asmi qeddcen fell-asent yergazen d wawal.
Di taddart n Agni Umalu, illa yiwen lamin ibedd ɣef taddart-is, ugar akken iga aɣbel i wexxam-is. I netta, tezwar taddart axxam. Yal ass, ur itečč imensi ma ur d-izzi i yexxamen, ma ur iqqim yiwen war imensi. Akka i d netta !
Mi d-ikcem ɣer uxxam-is, send ad yečč imensi, ad inṭeq ɣer tmeṭṭut-is, ad as-yini :
– A tameṭṭut, di laânaya-m, ẓer kan sdat ufrag ma ur d-ibedd yiwen yinebgi n rebbi ?
Akken yal ass, alamma tenna-yas tmeṭṭut-is : « Ečč ay amɣar, ulac yiwen deg uzrib ! », ara yeddem taɣenjawt, ad yečč.
Akken yal ass, armi yas-wḍen wurfan ɣer nnig uqerru i temɣart-is, tufa axxam-is idwel d lǧamaâ, neɣ ibrareḥ ugar n lǧamaâ, acku winna meqqar yesaâ agertil akked tebburt imeddlen i yiḍ.
Tameddit-nni, mi yas-inna wemɣar-is awal-nni tessen seg yiseggasen d iseggasen, « ẓer kan ma yella win d-ibedden… », nettat tfeggeḍ s wurfan, tezḥel fell-as, tenna-yas :
– Ečč ay amɣar, ečč nniɣ-ak ! Ulac wi yellan berra ! Telzem-iyi tkeffart ma yella umeɣbun i k-icban kečč, ma yehwa-yak yiwen wass ad d-telhiḍ d wexxam-ik !
Ahmed Aït Bachir
Lezzayer d tamurt ilhan : 45 imelyan n ‘’xaliṭ’’… facultatifs !
chez-vous c’est lamine, chez-moi c’est chambite ! Chez-vous c’est la mousqy che-zmoi c’est axxam arrabi, c.a.d. la miso di seignor.
Lamin n taddart ayyi am wid iwumi neghar Iqvayliyen «universalistes»; axxam nsen ur is3i ara tawwurt, maca qaren-agh «on est ouverts». D argaz ilhan armi bezzaf.