3 décembre 2022
spot_img
AccueilIdéeD tuddsa taserdasit/organisation du type paramilitaire i yesserɣen tamurt

D tuddsa taserdasit/organisation du type paramilitaire i yesserɣen tamurt

S TMAZIƔT

D tuddsa taserdasit/organisation du type paramilitaire i yesserɣen tamurt

Mačči d ḥamu n ugama (réchauffement climatique) iyesserɣen tamurt n Leqbayel.

Mačči d imeɣnasen n MAK i yesserɣen tamurt, acku nitni ḥemmlen tamurt-nsen, ur sserɣayen akal-nsen ;  akken ibɣu yili usalu-nsen, ar ass-a d akabar ur neffiɣ seg ubrid n talwit.

Ihi, anwa i yesserɣayen irennu ?

Nura-d tikkelt tamezwarut deg uɣmis Le Matin d’Algérie n wass 13/08/2021, anwi izemren ad sserɣen (1). D ayen d-ufan yemdanen di yal agraw, di yal tajmaât n tmurt. Ɣas awal iteddu, maca ar ass-a ur d-yufi yiwen amek i tezmer ad tekker tmes di yal tama, si tferkiwin, si tẓegwa ur ikeččem uḍar, seg iɣeẓran, teteddu tmes d adar seg umkan ɣer wayeḍ, tettali neɣ tettader si taddart ar tayeḍ, tesserɣay imɣan, ixxamen, ikarrusen, imdanen.

Ɣas ma yella ur nezmir ad d-nini anwi wid yesserɣayen, acku ur neẓri anwi, nezmer ad nefsi tikersi icudden : amek i sserɣayen ?

- Advertisement -

D tawleft/ttwira illan afella, d tin d-ifka Madjid Boutemeur (2) di FB, i d-ildin tabburt akken ad nefhem tamsalt. D tawleft i d-ikksen si video n tmerɣiwt di tmurt n Tuǧǧa/Toudja, di temnaṭ n Bgayet. Yal yiwen izmer ad iẓer imukan n tmes derren yiwen tama n wayeḍ, teddun ad sserɣen ayen illan afella, d tuddar, d iɣersiwen neɣ d imɣan.

S wacu i skaren times-nni ?

Ur izmir ad yili d imdanen i iteddun ɣef iḍarren-nsen di tẓegwa (ur ssinen), teddun ssaɣayen times deg umkan ɣer wayeḍ. Ur llin d ‘’les kamikazes’’ akken ad rɣen s uḥeǧǧaǧu n tmes.

Qqimen-d sin iberdan : asafu yessaɣayen izmer ad d-yas 

  1. Seg igenni : tamesrafegt, takuptirt, neɣ drone ad d-isseɣlin amessaɣ (bombe incendiaire, retardateur pyrotechnique, …). ɣas yella wawal di tmurt, ur iẓri yiwen iɣli-d kra seg igenni. Mačči d takuptirt-nni itezzin deg igenni i d-issurugen isufar n times !

  2. Si tiɣilt illan agemmaḍ i wemkan n tmes : ad d-iwet s umessaɣ ur iẓer yiwen, deg yiḍ neɣ deg uzal, syin ad ibeddel amkan. Amessaɣ-a yella, mačči yiwen ssenf, isem-is LASER infra-rouge ur ẓerrent wallen (LASER CO2, LASER YAG, …). Llan deg-sen wid meẓẓiyen, ‘’LASER néodyme YAG pompé par diodes’’ portable ; teddun s les batteries ; zemren ad ddun di tkarrust tameẓyant, kkaten s yiwet tyita, neɣ d astutti / en mode rafale, am lmatrayuz. Ur nezmir ad d-nefk nekkni isem, neɣ ismawen n tkebbaniyin i yeznuzun isufar-a i laâsker/matériel militaire (USA, Rrus, Fransa, Cinwa, Legliz, Israël, …).   

Anwi i yesedduyen Laser YAG i tmes di tferkiwin akked tuddar ?

D tuddsa n yemdanen ilemden, mačči d yiwen umeslub i yekkren ad isserɣ tamurt. 

  • Ur llin d kamikazes, am wid-nni n Daech ineqqen iman-nsen,

  • Kkaten s lbaâd, am tyita n tmegḥelt, si tkarrust ibedden neɣ iteddun deg ubrid ;

  • Mi fkan kra n tyitwin, ẓran yuli-d wabbu, dayen tuɣ tmes, ad beddlen amkan ;

  • Ad ddun ɣer tmurt nniḍen.

Tamuɣli-nnaɣ :

Mačči d sin neɣ tlata yemdanen ‘’pyromanes’’ i yeskaren times s zalamiṭ, ttazzalen si tmurt ɣer tayeḍ, mačči d ifellaḥen akken ad fersen akal-nsen. D tuddsa tameqqrant n paramilitaire, d wid issnen amek ad seddun imenɣi, am ad as-ddun akken ad fernen imukan n tmerɣi, amek ad sdergen iman-nsen deffir tyita. D tiyita n ṭṭrad ur nefri i d-iwḍen tamurt n Leqbayel.

Ugur ameqqran ass-a, mačči yiwen neɣ sin n Laser i yellan ffren. Ma sserɣen tamurt ass-a, glan s 200 yemdanen, snegren tamurt, zemren ad tt-sserɣen azekka ugar, s napalm. 

Issefk ad d-banen anwi, anda i llan ffren, anwa/anwi i ten-isedduyen. Di Lezzayer i llan, mačči seg waggur n mars i d-ɣlin.

D aɣbel n udabu, n imsulta akked teɣdemt n tmurt n Lezzayer.

D asfillet kan, d awal… neɣ siweḍ akeddab ar tabburt ?

A. U. L.

Timerna /Notes.

1) Le Matin d’Algérie 13/08/2021 :

https://lematindalgerie.comanwa-afus-i-yessergen-tamurt

2)  Madjid Boutemeur, physicien, Université de Savoie-Mont Blanc.

3) Caractéristiques remarquables des incendiaires organisés : mouvement permanent, choix des zones inaccessibles pour les points d’allumage, rapidité d’inflammabilité, présence systématique de villages en amont pour s’assurer un maximum de dégâts, utilisation de la météo et exploitation de la direction locale du vent, repli tactique après les mises à feu, capacité de dissimulation…

C’est l’oeuvre typique des professionnels des forces spéciales.

Auteur
Aumer U Lamara, physicien, écrivain.

 




ARTICLES SIMILAIRES

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Les plus lus

L’extrême droite s’enracine dans le monde

Aujourd’hui l’extrême droite s’empare le plus souvent du pouvoir par la voie électorale. Les putschs des colonels grecs ou des généraux brésiliens ou argentins...

Les plus populaires

Commentaires récents