6 décembre 2022
spot_img
Accueil360°Yal wa yufa ayen f-inuda !

Yal wa yufa ayen f-inuda !

Kabylie ancienne

Yella yiwen ilemẓi isem-is Mayaf, d afellaḥ, d axeddam d imṣeḍḥi, i teddu ɣef tudrin yeţţnadi axeddim. Yibbwas iεedda deg yiwet n taddart, yufa yiwet n tmeṭṭut tevdded zadt n wesqif bbwaxxam-is, yenna-yas 

– A tameṭṭut, nekk d afellaḥ ţnnadiɣ lexdma, ma tesεam kra bwafres, neɣ n nnqec…?

– Ṛuḥ qim di tejmaεt, mi d-yusa wargaz-iw as inniɣ. Acḥal aya yeţţnadi axeddam i wulmen ara ɣ d-isḍehṛen tifarkiwin-nneɣ.

Mi d yusa wargaz-is, tenna-yas :

- Advertisement -

– Ay argaz, segglin iεdda-d yiwen ilemẓi yeţţnadi ixeddim, ɣef akken i t-walaɣ d aqcic lεali, nniɣ-as a d-yaṛjju di tejmaεt ar d-aweḍeḍ.

– A d-ruḥ-ɣ a t-waliɣ ma iεǧev-iyi a t-id-nnawi aɣ ifres tifarkkiwin agi nneɣ, atan yeččatent wuzzu d innijjel, dderya nneɣ atnan wa yecɣwel, wa ţwakweblen ifasan-is.

Iṛuḥ ɣer tejmaεt, yufa Mayaf, yenna-yas :

– D kečč akken i g-ţţnadin ixeddim?

– D nekk!

– Ihi, tẓewṛeḍ akka i wefres, aqleε n tedeggirt d …?

– Daya i ţafellaḥt-iw!

– Ihi, yya-d a ţedduḍ s axxam a ţilliḍ ɣuṛ-i, ak fkeɣ tifarkkiwin inu atent-faṛseḍ, atan yeččat-ent wuzu d innije!

Yedda yid-s, yečča imensi, yemla-yas andda ara yeţili. Azekka-nni ṣṣveḥ zik yedda yid-s ɣer yiwet di tfarkkiwin ines, yenna-yas :

– Ihi, vdu di tagi, lawan n imekli ak d-awi tmeṭṭut-iw d acu ara teččeḍ.

Yuɣaled s axxam. Mi izeggen wass, tameṭṭut-is tebbwi-yas imekli i Mayaf. Tufa tafarkka-nni tvanned deg-s tafat. Tebbwḍed s axxam, tenna-yas i wargaz-is :

– Nniɣ-ak ay argaz afellaḥ-nni atan igarrez!

Mayaf, yuɣal ḥemlent akk at waxxam, ladɣa vav bbwaxxam, iḥesv-it amzun d mmi-s. A taddart akk ţţmeslayen fella-as. Uɣalent tulawin n taddart, εemṛent aqaṛuy-is i tmeṭṭut-nni, qarent-as :

– Annegrim a taqṛiht-im, arggaz-im as iffek lwaṛt i Mayaf, ur teţwallid-ara atan iḥesv-it amzun d mmi-s!

– Tameṭṭut taεekkemt, ikecem-iţ ciṭan tumen. Yibbwas tefraţ di ṛay-is, teţmeslay d yiman-is, teqqaṛ-as :

– Mayaf-agi ilaq a tesiffgeɣ, mulac a d-yawi ṛeẓq n waraw-iw!

Azekka-nni mi s tebbwi imekli, teggr-as semm (poison) ɣer daxel n wučči-nni.

Mi tebbweḍ, tenna-yas :

– Ɛeddi a ţeččeḍ imekli a Mayaf.

– Sarsit kan dinna a xalti Warddya, mi d-sḍehṛeɣ tadeggirt agi a t-ččeɣ.

Tuɣal-d s axxam, Mayaf yelti di tggirt-nni tamcumt. Cwiṭ akka atna εeddand sin warew n tmeṭṭut-nni, uɣalend di ṣṣyada iḥaṛqiten-id laẓ. Nnan-as i Mayaf :

– Yella kra d saggreḍ deg imekli ik d-bbwi yemma-t nneɣ a Mayaf?

– Atan uqesul-nni akken yella, ur t-nnuleɣ akk, lhiɣd di tdeggirt agi tamcumt tεewq-iyi, ččeteţ, immi telluẓem, nekk a d-awḍeɣ s axxam a d-ččeɣ!

Ččan imekli-nni, simi fukken ɣlin muten. Mayaf yefɣ-it laεqel, yesawel ɣer taddart. Taddart temguggid immeṛa. Xalti Warddya teţeɣẓaẓ deg fasan-is, teţmeǧǧid ɣer Ṛebbi i ţ-id-ixelqen : « atin xedmm-eɣ di ṛay-iw! » Imdannen akk ara steqs-ayen Mayaf :

– Amek akka i teḍṛa taluf agi a Mayaf?

– D acu aw nniniɣ ay arveε? Ur ẓṛiɣ amek teḍṛa! Ẓṛiɣ kan nekk sawelen-iyi Mayaf, di zik qqareɣ-as : win ixedmen kra a t-yaf.

Ahmed Aït Bachir

ARTICLES SIMILAIRES

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Les plus lus

Le groupe État islamique annonce la mort de son chef

Le groupe État islamique (Daech), défait en Irak et en Syrie, a annoncé ce mercredi la mort de son chef, l'Irakien Abou Hassan al-Hashimi...

Les plus populaires

Commentaires récents