23 mai 2024
spot_img
AccueilChroniqueWin i tent-iferrun

Win i tent-iferrun

Village kabyle

Dda Aâli U Mensur, d lamin n taddart, issen taqbaylit, d amussnaw ameqqran, isem-is idda akkin i laârac.

D netta i d amezwaru di yal leǧmaε iferrun tilufa gar medden.

Yiwen wass, terza ɣur-s terbaât akken ad t-awin, ad asen-ifru yiwet taluft. Mi wḍen sdat uxxam-is, wehmen s wayen ẓerren. Ufan axxam-nni yefferčečči, ur ifri d axxam neɣ d ixerban, aqermud irreẓ, tassara-s teffeɣ-d zun d ineccaben, ad yili ineggi, yugar i yekkaten ɣer uxxam, ayen iteddun ɣer berra.

Wid-nni bedden kan, ttmeslayen gar-asen, inna yiwen,

- Advertisement -

– Ẓer kan ! Wagi wuɣur d-nusa, axxam-is ur as-izmir, lǧamaε yeṭṭef-as amezzir ! Amek dɣa ara aɣ-d-ifru taluft-nneɣ urgaz-agi ?

Kecmen ɣer uxxam yergazen-nni, ufan-t diɣ yettwaɣ ugar. Yiwen seg-sen, inna-yas :

– A Dda Aâli, aql-aɣ nusa-d ad k-nawi, ad aɣ-tefruḍ yiwet taluft neḥsel deg-s, ur as-nufi tabburt. Acu kan a Dda Aâli, ma ulac uɣilif, bɣiɣ ad ak d-inniɣ yiwen wawal !

Mouloud Mammeri di tnemmast n ṭṭrad, la « Bataille d’Alger » : awal akked Ḥend Sadi

Amɣar-nni yerra-yas,

– Ini-d a mmi, ini-d ayen tebɣiḍ ! Dadda-k Aâli mačči yiwen wawal iwumi yesla di tudert-is.

– Ihi a Dda Aâli, ayen i bɣiɣ ad ẓreɣ, amek yiwen urgaz am keč, mechureḍ di laârac, d amussnaw i ttcawaren medden, tferruḍ tilufa timeqqranin, amek teǧǧiḍ axxam-ik yettwaɣ akka, iteddu ad yertem ?

Amɣar izmumeg, syin imummi wudem-is, irra-yas :

A mmi, asmi yella Dadda-k Aâli s tezmert-is ur yewεa ara, asmi yewεa ur izmir ara...

Ahmed Aït Bachir

Awal « Maghreb », am «nos ancêtres les Gaulois » !

1 COMMENTAIRE

LAISSEZ UN COMMENTAIRE

S'il vous plaît entrez votre commentaire!
S'il vous plaît entrez votre nom ici

ARTICLES SIMILAIRES

Les plus lus

Les derniers articles

Commentaires récents