Di yal tamurt, amezruy izmer ad ibeddel abrid s tigawt tameẓyant, tin ur igguni yiwen, anda imelyunen n yemdanen ur zmiren ad ssinfen akkin neɣ akka taḥemmalt n umezruy.
Nennum nsell ass-a di tmurt n Lezzayer awal yessefcalen iɣallen akked ifadden : « ay aḥbib, ur tettbeddil ara liḥala, nuyes ; mi nessarem ad tbeddel ad tuɣal ɣer din. 60 iseggasen aya, neqqim din… ».
D tamuɣli-nni itekksen asirem, zun amdan ur izmir ad issinef ayen iḍerrun di tmurt-is, i d-nefren akken ad as-nerẓ ifadden. Nfern-d kra n imedyaten illan deg umaḍal : di Pakistan, di Portugal akked tmurt n Lezzayer.
Taggara, yal yiwen ad d-ikkes deg-sen ayen iddan akked tmuɣli-s, ayen imsadan, ilha neɣ dir-it.
Adlis n jiniral Spinola i yessawḍen ɣer tegrawla di Portugal di 1974 (1)
Adabu n tmara n Salazar iṭṭef tamurt n Portugal si 1933. D adabu n tadiktaturt taqesḥant. Tasertit-nni yesedda tessenger tamurt ; si tama iṭṭef di tsertit tamhersit (politique coloniale) di Tefrikt, s ṭṭrad mgal imezdaɣ n Angola, Mozambique, Cap vert, Guinée-Bissau, wid i yettnaɣen ɣef timunent n tmurt-nsen ; si tama nniḍen icudd tamurt-is s uqeẓẓul, ulac tugdut, ulac tilelli, ulac awal. Tamurt n Portugal simal teteddu ɣer deffir, ilmeẓyen-is ttawin-ten-id deg isenduqen mmuten deg yimenɣiyen d Tefrikt.
Amur ameqqran n ifesyanen ddan di tsertit-nni n Salazar akked Marcelo Caetano, maca ikker uferfud di tmurt, ittumɣur mi ẓerren at tmurt d arraw-nsen (tarwa n ifellaḥen akked ixeddamen) i yiɣellin yal ass di Tefrikt.
D tawaɣit-nni i yessawḍen kra n ifesyanen imeẓyanen ad d-slalen agraw MFA (Movimento das Forças Armadas / Mouvement des Forces armées) (2), akken ad kksen akkin ṭṭrad n tmurt-nsen di Tefrikt. Taggara agraw-nni yessemɣer.
D adlis n jiniral Spinola, ‘’Portugal akked yimal-is’’ / Le Portugal et son avenir (3) i d-iffɣen di tazwara n 1974 i yefkan afud i tnekra n iserdasen. Deg udlis-nni yesfehm-d Spinola s wawalen-is, yergel ubrid n ṭṭrad n Tefrikt, d tallit n timunnent n tmura-nni yettwahersen, akken ad d-ilal ugraw zun d Commonwealth n talwit akked Portugal.
Adlis-nni ddmen-t di Portugal, rran-t d afud, d igli/horizon n ubeddel n ubrid. D tikli i d-iwwin tagrawla n Portugal n 1974.
Ass-a Portugal d tamurt d wawal, d amedya gar tmura timagdayin di Urupa.
Aḍris i d-iwwin talalit n Bangladesh di tmurt n Pakistan
Amennuɣ n temnat tabangalit n Pakistan n wagmuḍ mgal adabu n Islamabad d aqdim, ibda deg iseggasen n 1952. Gar yal tuttra n umennuɣ-nsen (izerfan, aɣrum…), tella daɣ tuttra n timunent akken ad bḍun ɣef tmurt n Pakistan.
Di tazwara n 1970 ikker herrwel, syin ikker ṭṭrad ameqqran gar-asen d iserdasen n Pakistan, maca Ibangaliyen ur zmiren ad qablen tazmert n Pakistan. Sutren i tmurt n India akken ad asen-tefk tallalt, ad asen-d tazen imrigen/les armes i yimenɣi, ad tekcem India deg unnar n ṭṭrad idis-nsen.
Taneɣlaft tamezwarut n India imir-nni d Indira Ghandi, di tazwara tkukra ad tefk uzzal, tkukra ad yimɣur ṭṭrad ara d-iglun s wayen ur tessarem i tmurt-is.
D aḍris i yura uneɣmas Anthony Mascarenhas, i d-iffɣen deg uɣmis Sunday Times deg wass n 13 yunyu 1971 i ibeddlen tamsalt. Si mi d-irwel si tmes, d netta i d amezwaru i yuran ayen iẓra s wallen-is ɣef twaɣit iḍran d imezdaɣ n temnat-nni.
Mi tefra tedyant, tamurt n Bangladesh tewwi timmunent, Indira Ghandi tenna di tnagit-is : « ayen yuran deg uḍris-nni yessewhem-iyi, isserfa-yi ugar ; d ayen i yi-issawḍen ad fkeɣ imrigen/les armes i yegrawliyen Ibangaliyen akken ad nnaɣen ɣef tmurt-nsen, akken daɣ India ad tekcem annar n ṭṭrad/intervention militaire ».
- Amedya wis tlata, mačči d tagrawla tasertant neɣ d timunent, d tagrawla tadelsant di tmurt n Lezzayer.
D adlis ‘’Amawal n Tmaziɣt Tatrart’’ n Mouloud Mammeri.
Ma nerra tamuɣli i 50 iseggasen izrin deg umussu adelsan amaziɣ (MCB / Mouvement Culturel Berbère), ad naf yiwet tgejdit tufrar gar wayen akk d-ismeɣren agraw (tira tamaziɣt, Agraw Imaziɣen akked igerwan nniḍen d tiddukliwin di Lezzayer neɣ berra, tisɣunin n tuffirt, tasertit akka d wakka, tikliwin n 1980 – 1981, aselmed n tmaziɣt di tesdawit d tisnawiyin…) : d Amawal n Tmaziɣt Tatrart i yura Mouloud Mammeri akked imeɣnasen nniḍen (6).
D win i d afud amezwaru, syin yuɣal d azamul n tegrawla tamaziɣt. Amawal-nni iffeɣ-d d adlis sɣur teẓrigin n ugraw Imedyazen di Paris di 1980, maca yedda s tuffirt seg ufus ɣer wayeḍ si 1976 (?).
Deg unejmaâ wis sin n FFS uffir i d-illan deg unebdu 1979, di temdint n Gap, di Fransa, nefreq-it i yimeɣnasen illan din akken ‘’Amawal’’ ad asen-yili d adlisfus/manuel i yal yiwen ikecmen di tira n yeḍrisen n tsertit s tamaziɣt.
Di tazwara kan nessemres-it di tsuqilt n tezrawt tasertant n FFS (Plateforme politique : Pour une Alternative Démocratique Révolutionnaire à la catastrophe Nationale).
Ass-a, adlis ‘’Amawal n Mammeri’’ ibedd d tagejdit n tegmi deg unnar n tamaziɣt di yal tasdawit, ibedd d adlisfus i yal amyaru iran ad yaru akken iwata, i yal aselmad n tmaziɣt, i yal aneɣmas n tmurt.
Ibedd d afud n tegrawla tadelsant tamaziɣt.
Llant tikkal, d tigawt tameẓyant, akken tebɣu tili, mara d-teflali di tegnit-is, i yettbeddilen asalu n umezruy…
Aumer U Lamara
Timerna / Notes :
- Tagrawla n ijeǧǧigen n Portugal (la révolution des Œillets, n 25 yebrir 1974).
La révolution des Œillets (Revolução dos Cravos en portugais), est le nom donné aux événements qui ont entraîné la chute de la dictature salazariste qui dominait le Portugal depuis 1933. Elle doit son nom à l’œillet rouge que les conjurés portaient à leur boutonnière et dans le canon de leur fusil en signe de ralliement.
Ce que l’on nomme « révolution » a commencé par un coup d’État organisé par des militaires qui se sont progressivement radicalisés par rejet des guerres coloniales menées par le Portugal. Ce coup d’État, massivement soutenu par le peuple portugais, a débouché sur une révolution qui a duré deux ans… mais qui, finalement, a profondément changé le visage du pays.
La révolution des Œillets a la particularité de voir des militaires, porteurs d’un projet démocratique (mise en place d’un gouvernement civil, organisation d’élections libres et décolonisation), renverser un régime, sans pour autant instaurer un régime autoritaire.
- Le Mouvement des Forces armées ( Movimento das Forças Armadas), ou MFA, est un mouvement Révolutionnaire portugais qui fit tomber la dictature de l’Estado Novo en 1974 lors de la Révolution des œillets. Le MFA était composé essentiellement de jeunes capitaines de l’armée de terre ayant pour la plupart servi dans les guerres coloniales portugaises. Ils s’étaient organisés par rejet des guerres coloniales et de la dictature salazariste.
- La sortie du livre du général Spinola le 22 février 1974, Le Portugal et l’avenir, fait l’effet d’une bombe. Même s’il ne parle pas de renverser le régime, il prône la démocratisation du pays et une progressive autonomie des colonies dans une structure fédéraliste. Il remet ainsi en question l’un des piliers et source de fierté du régime, l’empire. Le livre décomplexe ceux qui n’osaient s’opposer publiquement à la poursuite de la guerre.
Marcelo Caetano comprend alors la menace pour son pouvoir.
- La guerre de libération du Bangladesh est une guerre d’indépendance qui se déroula en 1971 dans le Pakistan oriental et qui opposa les rebelles bengalis au pouvoir central pakistanais. Selon Amnesty International, trois millions de civils ont été tués et huit à dix millions se sont réfugiés en Inde. Plus de 200 000 femmes auraient été victimes de viols.
Ce conflit opposa l’État et les forces armées du Pakistan aux rebelles bangladais. Les Pakistanais rencontrèrent une résistance indépendantiste facilement matée malgré la guérilla menée par les Mukti Bahini.
En avril, une résolution du parlement de l’Inde demande que la Première ministre de l’Inde Indira Gandhi aide à l’approvisionnement des rebelles dans l’est du Pakistan. Elle obéit, mais refuse de reconnaître le gouvernement provisoire du Bangladesh indépendant.
- Fuyant son pays, le journaliste pakistanais Anthony Mascarenhas fut le premier à témoigner des exactions et massacres commis par les forces pakistanaises au Bangladesh. Son article fut publié dans le Sunday Times le 13 juin 1971. La Première ministre indienne Indira Gandhi dira par la suite que l’article l’avait si profondément choquée qu’il avait motivé sa décision en faveur de l’intervention militaire indienne. La BBC estime que l’article de Mascarenhas « contribua à mettre fin à la guerre. Il suscita l’hostilité de l’opinion internationale à l’égard du Pakistan, et encouragea l’Inde à jouer un rôle décisif », pour l’indépendance du Bangladesh.
- Mi yella Mouloud Mammeri d anemhal n CRAPE di Lezzayer, isbedd agraw n tuffirt akked kra n imeɣnasen illan lemmden tamaziɣt ɣur-s. Tlata yismawen ufraren-d (Amar Zentar, Amar Yahiaoui, Mustapha Benkhemmou) ; maca llan wiyaḍ i yegren afus di twizi-nni yeddan iseggasen d iseggasen. Taggara ilul-d umawal n tmaziɣt tatrart.
A mis n tmurt, achal tuder isaghrayen takvaylith iwaraw nsen?